Mannen er frisk og uskadd, men tok kontakt med politiet søndag ettermiddag fordi han ikkje klarer å ta seg ned til Aurland på eiga hand. Hytta der mannen er, blir kalla Kongsheller-hytta, og ligg i 1500 meters høgde. Det snøar tett i området.
KONGSHELLEREN: Det er på denne hytta mannen sit verfast
Foto: Marius Nergård Pettersen UT.no– Vi har sendt ut fire mannskap og dei reiste ved 18-tida søndag kveld, fortel operativ leiar, Trygve Skjerdal. Mennene frå Aurland vil få ein strabasiøs tur, for det ligg opp mot 30 centimeter snø i området, og dei er nok ikkje framme før tidlegast klokka 21 i kveld.
Skjerdal har sjølv vore i kontakt med mannen, som ikkje har navigasjonsutstyr til å ta seg fram på fjellet. Etter det Røde-Kors leiaren kjenner til, skulle mannen gjere noko reperasjonsarbeid på turisthytta.
– Vi må vurderer forholda ut over kvelden, og skulle dei bli vanskelege må vi avbryte operasjonen no i kveld. Vi tek ingen sjansar, seier Skjerdal.
Turisthytta ligg ved eit stort vassmagasin som Aurland Kraftag har bygd, og det er veg heilt fram til hytta. Men det er ikkje nok snø i området til å køyre scooter og islagt vatn gjer at Røde Kors heller ikkje kan bruke båt fram til Kongshelleren.
Først ved 22-tida i kveld får Trygve Skjerdal svar på om mannskapet frå Aurland Røde Kors klarere å ta seg fram til mannen.