På fjerde dagen vil store styrkar tysdag morgon starte søk etter mannen i 20-åra frå Rogaland som er sporlaust vekke i dalføret i Stryn. Laurdag ettermiddag brukte han kniv då han truga til seg ein bil på veg opp på Strynefjellet, bilen var seinare funnen att inst i dalen.
Politiet har fått hjelp av både eit redningshelikopter eit fly frå Norsk Aero Klubb, mannskap frå Røde Kors, ei rekkje hundeekvipasjar og ei alpin redningsgruppe i søket etter mannen.
Sjølv om ein no altså har søkt gjennom dalen og fleire støylar i området, er det ingen som har sett snurten av mannen.
- LES OGSÅ:
- LES OGSÅ:
Vand med å gå i fjellet
Politiet sa i går at dei framleis hadde som utgangspunkt at mannen var i live. Både mobiltelefon og bankkortet til mannen er spora, og politiet har førebels ikkje grunn til å tru at han har reist frå området.
NRK fekk i går opplyst av politiet at mannen er i god form og vand med å gå i fjellet. Det er likevel grunn til å tru at han ikkje er kledd eller har med seg utstyr til å vere ute i dei temperaturane som har vore dei siste dagane.
Det har vore ned mot 15 minus i området sidan mannen forsvann.
- LES OGSÅ:
- LES OGSÅ:
(Artikkelen held fram under TV-saka)
SJÅ TV-SAKA: Politiet sa måndag at dei framleis hadde som utgangspunkt at den sakna mannen er i live.
Har diagnose
Etter det politiet kjenner til var mannen på gjennomreise då han måndag truga til seg ein bil på Strynefjellet. Folk i området vart bedne om å halde seg innandørs då bilen vart funnen att i Erdalen i Oppstryn.
Politiet stadfestar måndag at mannen har ein psykisk diagnose, men ynskjer ikkje å gå nærare inn på det. Dei kjenner ikkje til om han har familie eller vener i området.
Mannen er om lag 180 centimeter høg, og han skal vere tynn. Politiet ønskjer tips på telefonnummer 02800.
Startar opp att når det blir lys
Når søket startar opp att i 08.30-tida tysdag er det altså på fjerde dagen at store styrkar søkjer etter mannen. Politiet opplyser at det i dag vil vere 25 personar frå Røde Kors som skal delta i søket, saman med åtte hundeekvipasjar frå Norske Redningshundar, ti personar frå Alpin Redningsgruppe frå Jostedalen og Lom.
I tillegg har politiet eigne folk og eigne hundar som skal søke vidare. I går vart det sagt frå politiet at dei vurderer eit finsøk i området. Det er ulendt og vanskeleg terreng i Erdalen og det var i går område politiet ikkje var heilt sikre på at dei hadde vore over.
- LES OGSÅ:
- LES OGSÅ:
- LES OGSÅ:
- LES OGSÅ: