Fylket gror igjen

Færre sauer gjer at beitelandet gror igjen.

Tretti tusen dekar kulturlandskap gror kvart år igjen i Sogn og Fjordane. Hovudgrunnen er at utmark ikkje lenger blir brukt som beiteområde.

Publisert 25.03.2003 20:07.

Skriv ut
Del/tips

Av:

Linda Nødseth

Jostein Nyfløtt

Kulturlandskapsrådgjevar hos Fylkesmannen, Marvin Haltvik, fortel at denne gjengroinga skjer overalt i fylket. Han meiner at vi ser dette best i lyngområda på kysten. Men det same gjer seg gjeldane i stølsområda våre.

Tverrfagleg gruppe

Fylkesmannen saman med landbruksorganisasjonane og Høgskulen i Sogn og Fjordane, har no sett saman ei tverrfagleg gruppe som skal utarbeide ein strategi for arbeid med kulturlandskap.

Dårleg økonomi i geite- og sauehaldet gjer at mange bønder gir seg som småbrukarar, med det som resulatat at kulturlandskapet gror igjen.