| OVERSIKT | NYHETER | SPORT | MUSIKK | UNDERHOLDNING | FILM | LITTERATUR | MAT | BARN | UPUNKT |
| |
Her er du: NRK > Nyheter > Distrikt > NRK Sogn og Fjordane > Beheim Karlsen-saka | Oppdatert 10.10.2001 17:05 |
 | Tiltalen Publisert 16.05.2001 14:59 - Oppdatert 18.05.2001 10:40
av Vidar Vie Men det er stor forskjell på tiltalen mot dei to. Den hovudtiltalte skal fleire gongar ha plaga og trakassert Arve Beheim Karlsen. Første punktet er frå 31. oktober i 1998 på ungdomshuset Skogly på Kaupanger i Sogndal. Då skal han teke tak i jakka til den indiskfødde guten og skalla han to gongar i ansiktet. I løpet av vinteren og fram til den tragiske hendinga natt til 24. april 1999 skal han fleire gonger ha plaga han i Sogndal, Luster og i Førde. Han kalla han svarting, sagt at han ikkje fekk sette seg på ein stol fordi den vart skiten, og kommandert han til å fjerne seg frå bord, festar og liknande. Fleire gongar har han, i følgje tiltalen, også jaga han slik at han måtte rømme unna. Seint fredag 23. april er han tiltalt for å ha teke tak i hovudet til Arve Beheim Karlsen for så å dra han bak ein buss i Sogndal sentrum. Vidare for å ha jaga han og for å ha ropt dei rasistiske utsegnene mot han. På to punkt meiner statsadvokaten at han bør dømmast for rasisme. Det er både utsegnene han ropte då han sprang etter han gjennom Sogndal sentrum, og for gjentekne gongar å ha brukt rasistiske uttrykk heile vinteren 1998/1999. Mannen er også tiltalt for fleire andre ting som ligg utanfor Beheim Karlsen-saka. Han skal ha sparka og truga ein drosjesjåfør, skalla fleire andre personar, køyrt i rusa tilstand i tillegg til fleire ordensforstyrringar. Den andre 19-åringen er tiltalt for trugsmål og rasisme, og då for hendinga som skjedde ved Sogndalselva kvelden 23. april. På dette punktet blir det ikkje skilt mellom dei to i tiltalen. Statsadvokaten meiner at begge sprang etter Arve Beheim Karlsen mot ei gangbru over Sogndalselva, over gangbrua og fram til ein fotgjengarovergang omlag 20 meter frå elvebreidda medan dei ropte uttrykk som "drep han" og " drep denne negeren". Begge dei to vart sikta for forsetteleg drap kort tid etter dødsfallet. Dette fordi politiet meinte dei hadde skubba eller skremt Arve Beheim Karlsen ut i Sogndalselva. Dette vart bestemt avvist frå dei to, og det vart altså aldri teke ut nokon så alvorleg tiltale. 
|
   
|
| Copyright NRK © 2001 - Telefon: 815 65 900 - E-post: info@nrk.no - 03.01.2009 03:38 |
