Grunnleggjar var
Tollef Gabrielsson Skrede. Hotellet var bygd i sveitsarstil i 3 høgder, og hadde 30 senger.
Nokre få år seinare gjekk det konkurrerande
Hotell Stanley konkurs. Skrede kjøpte hotellet, reiv det og bygde det som utviding til hotellet sitt på Skei.
I 1891 var hotelleigar Skrede med og starta dampbåtruta med d/s ”Skjold” på Jølstravatnet (sjå:
Båtruter på Jølstravatnet).
Hotellet kjøpte sin første bil i 1921. Familien Skrede dreiv også skysstasjon, drosje, og hadde postkontoret på Skei.
Like etter at dei tyske okkupasjonsstyrkane rekvirerte hotellet i 1943, brann heile anlegget ned til grunnen. Etter krigen bygde 2. generasjon Skrede, Tollef Tollefson Skrede, nytt hotell med 48 senger. Hotellet vart på nytt brannskadd i 1959, men bygd opp att og seinare utvida i fleire etappar m.a. med konferansesalar, symjebasseng og frititidsavdeling. I år 2001 har Skei Hotell 210 gjestesenger, og sysselset 35 årsverk.
I 2005 selde Skrede-familien hotellet til dei pengesterke jølstringane
Ivar Helgheim ,
Hallvard Viken og Steinar Dvergsdal (sjå
Kjende personar i Jølster).
(Sjå fleire hotell under:
Gjestgjevarstader i Jølster.)