Hovedmeny:
·
Kjende personar i Jølster
Bygdehovdingen Star skal etter ei gamal segn ha budd på Kjøsnes omlag på same tid som
Audun Hugleikson rådde på Ålhus på 1200-talet.
f. kring 1240, og var son av den velståande bonden Hugleik som budde i Firda-fylket (Fjordane) – truleg på Hegranes i Jølster. Stallar, ambassadør og baron.
Christoffer Johannsson
(d. 1538) skal vere den første presten i Jølster etter reformasjonen. Han var frå Stockholm og hadde truleg vore munk. Men då han vart evangelisk prest, brende han opp alle helgenbileta i kyrkja på Ålhus. Bygdefolket vart så harme for dette at einkvan tok presten av dage då han var ute på eit soknebod.
Jakob Mortensson Masch
(d. 1678) vart sokneprest i Jølster i 1675. Han var kjend som ein framifrå gravørkunstnar, og koparstikka hans prydde mange norske velstandsheimar.
(1714–1800) frå Fossheim. Han var sjølvlærd produkator (advokat), men fekk løyve til å prosedere saker for retten.
Else Åsmundsdotter Bjørset
(d. 1807) frå Bergen, gift med lensmann Tollef Hanssen Bjørset på Bjørset. Ho fekk påskjøning av Det Nyttige Selskab fordi ho hadde dyrka jord og sådd poteter, noko som var svært uvanleg på den tida ho levde. Sjå også:
Første norske poteta i Lærdal?.
Nils Johannesen Nedrebø Møklebust
(1782–1836) frå Myklebust. Gardbrukar. Vart drepen av ein skotskadd slagsbjørn som det vart jakta på ved Orkja den 22. september 1836. – Les meir om hendinga i artikkelen "Bjørnen drap mann på Myklebust" under
Bjørnesoger i Jølster .
Bendik Johansen (Jeremiassen) Øvrebø
(1791–1832) frå Klakegg. Bonde. Vart drepen den 13. oktober 1832 då han saman med tre andre var på bjørnejakt ved Kandalen i Breim. Han vart først sterkt såra av bjørnen før han vart råka av eit vådeskot frå ein av jaktkameratane. – Les meir om hendinga i artikkelen "Jølstring drepen av bjørn i Breimsfjella" under
Bjørnesoger i Jølster .
Tor Hansson Veiteberg
(1795–1856) frå Stardalen var første ordførar i Jølster 1838-1842.
Anders Emmanuel Johanesson Ålhus
(1800–1887) var første ordførar frå Ålhus krins (nedre Jølster).
(1803-1876), også kalla ”Store-Sandalen”, var mannen som tok initiativet til bygging av veg mellom Ålhus og Helgheim.
Samuel Nilsson Dvergsdal
(1807–1880) frå Dvergsdal. Bonde og kjend spelemann og slåttekomponist, som gjekk under namnet ”Spele-Samuel”. Han var også ordførar.
Samuel var nær slekt til komponisten
Johannes Haarklou. Sjå også:
Spelemenn i Jølster.
(1809–1877). Historieprofessor og politikar. Som son av soknepresten i Jølster, budde han på Ålhus i barndomen.
Erik Olsen
(1816–1881) Sokneprest i Jølster frå 1864 til 1871, då han p.g.a. sjukdom gjekk av med pensjon. I nokre år etter dreiv han privat skule i Jølster for ungdom som ville førebu seg til examen artium. Han budde dei siste åra av livet i Kvinnherad.
Olav Poulson
(1822–1896). Lensmann i Jølster frå 1855–1860, då han tok imot tilbodet om å verte direktør for Fylkesbaatane, og flytta til Bergen. I Bergen var Poulson medlem av ei arbeidarforening, og var med å skipa mållaget Vestmannalaget i 1868. Gav ut m.a. lesebøker og bibelsoger på nynorsk. Vararepr. på Stortinget frå Nordre Bergenhus Amt 1859-1860.
Georg Fredrik Chr. Fasting
(1837–1914). Skulemann og forfattar som hadde sin oppvekst på prestegardane i Jostedalen, Jølster (1845-1857) og Førde. Utdanna prest, og tok seinare doktorgraden med avhandlinga ”Fromheden og elendigheden”. Gav ut ei rad lærebøker og bøker med religiøst innhald.
Nils Samuelson Dvergsdal
(1842–1921) frå Dvergsdal. Bonde på Helgheim, og politikar. Nils Samuelson Dvergsdal var m.a. ordførar og medlem av styret i Fylkesbaatane. Vararepr. for Moderate Venstre på Stortinget 1895-1900.
(1843–1921), lensmann i Jølster 1870-1919.
(1844-1920). Gift med Petra Konstance Lodz f. 1860. Prest.
(1849-1933) frå Skei. Bonde og hotellbyggjar.
(1845-1943) var lensmannsfrue på Ålhus. Ho fekk interesse for og lærde seg dei gamle vevteknikkane i Jølster, og starta vevkurs for kvinner.
Tips andre om denne saken
Utskriftsvennlig versjon
