NRK.no - Fylkesleksikon

Bankar i Førde

Gamlebanken i Førde - Førde Sparebank - bygt i 1902. (Foto: A. Nybø, NRK)

Publisert 11.09.2001 14:01. Oppdatert 08.12.2006 08:19.

Førde Sparebank

- sjå Sparebanken Sogn og Fjordane.

Sunnfjord Sparebank

- sjå Sparebanken Sogn og Fjordane.

Bergen Bank

skipa avdelingskontor i Førde 1970. Heldt første åra til i Bergegården, bygde i 1984 eige bygg. Seinare fusjonert i Den norske Bank.

Vestlandsbanken

skipa avdelingskontor i Førde i 1982, med kontor i Bergehallen. Seinare fusjonert i Fokus Bank.

Postsparebanken

starta utlånsavdeling i Førde 1987. Seinare omskipa til Postbanken.

Kreditkassen

opna avdeling i Førde i 1996. I 2000 vart Kreditkassen slegen saman med den nordiske storbanken Nordea, som elles i fylket har avdelingar i Måløy, Nordfjordeid, Stryn, Sandane og Florø.

Nordea

bank i Førde - sjå Kreditkassen.

Sparebanken Vest

oppretta avdelingskontor i Førde i 2001.

Gjensidige Bank

skipa med hovudkontor i Førde i 2006 – sjå Sparebanken Sogn og Fjordane.

Såkornfondet

er namnet på eit halvoffentleg investeringsfond for nyskaping innan næringslivet i typiske utkantkommunar. Fondet si avdeling for Sør- og vestlandet vart i 2006 lagt til Førde, og fekk frå starten kring 197 millionar kroner til rådvelde. Av dette gjekk Staten inn med 134 millionar - resten kjem frå private finansinstitusjonar.

SE OGSÅ

Slaget i Sildagapet i 1810

Den 23. juli 1810 gjekk to engelske krigsskip til åtak på ei lita, norsk flåteavdeling ved øya Silda sør for Stad og tok det norske mannskapet til fange. Dagen før hadde engelskmennene herja i Ervik-bygda på Stad. Kvifor gjekk den mektige engelske marinen til åtak på skrøpelege, norske kanonjollar i Ytre Nordfjord?

Då fiskedampskipa stakk til havs

Då den første dampdrivne fiskebåten, ”Activ”, gjekk ut frå Ålesund i 1885, innvarsla det ein ny epoke for norske fiskeri: Havfisket. Dei store skipa gjorde det mogeleg å utnytte fiskeressurane langt til havs. Kring 1910 hadde Sogn og Fjordane 20 slike store fiskedampskip. Fleire av dei vart brukte i aktivt fiske heilt fram på 1960-talet.

Få nazistar i Sogn og Fjordane

Ingen fylke i landet hadde så få medlemmer av Quislings Nasjonal Samling som Sogn og Fjordane. Berre 396 fjordingar og sogningar var medlemmer i NS under 2. verdskrig, og mange av desse var innflyttarar og unge jenter som hadde kontakt med tyskarane. Fleire kystkommunar var så godt som frie for NS-folk.