Embetsgardane på Skei i Førde er først og fremst kjende som eit senter for kunst og kultur på 1700- og 1800-talet.
Her budde diktarar som Andreas Aabel, Kristian Elster d.e. og Kristian Elster d.y., Alhed Schou, Hjalmar Christensen m.fl. Men på gardane har det også budd embetsmenn og sentrale rikspolitikarar som statsrådane Thomas Fasting og Ingolf Christensen.
Bygde opp kring kyrkja
På terrassen kring kyrkja på Skei grodde embetsgardane opp. Førde prestegard var ein av dei største gardane i Sunnfjord, med store jordvidder og verdfulle fureskogar i Førdsmarka.
Finde kjøpte alle gardane
Førde-presten Peder Jørgenson Finde (1610-1691) kjøpte alle Skei-gardane i 1672, og slo dessutan under seg store eigedomar elles i bygda. Ei tid eigde han fjerdeparten av all jord i Førde, og han hadde dessutan jordeigedomar spreidd over heile Vestlandet frå Sunnhordland til Møre. I 1678 tok han over alt ”apostelgodset” i Sunnfjord. Då Finde-slekta var ute, vart Skei igjen delt ut i fleire gardar.
I prestegarden kom
Søren Hjelm Friis 1823-1856. Mellom dei 11 borna var det fleire som seinare sette merke etter seg nasjonalt, både i politikken og som vitskapsmenn.
Forfattarane av Fasting-slekta hadde også litt av oppveksttida si i prestegarden i Førde (sjå
Ole Wilhelm Fasting, og Georg Fredrik Chr. Fasting under
Kjende personar i Jølster fødde år 1200-1850).
Frå 1727 vart Toene lagt ut som eksersisplass for det militære – ”Førdeske Compagni”. Her var det også sett opp eit militært lager – telthus.
Futen i Fjordane, Nikolai Lambrechts, kjøpte i 1789 garden Bruland omlag fire kilometer aust for Førde sentrum og flytta futesetet frå Svanøy til Førde.