Førre side:
·
Kjende personar i Førde fødde før år 1700
Anders Rognaldsen Ness
(1761-1851). Frå Haukedalen. Anders vart i 1788 kommandert ut som soldat til Fredrikstad. Etter at han kom heim frå teneste fekk han gjeve ut nokre dikt og viser som m.a. handla om tenestetida i Nordre Søndfjordske Compagnie.
(1733-1800) frå Haukedalen i Førde, busett i Vatsvik ved kremmarleiet Skjerjehamn i Gulen. Bonde.
Lars Jakobson Thingnæsset
(1760–1829) frå Notenes i Førde. Bonde og repr. på omframstortinget 1815-1816, og Stortinget 1818 og 1824. Tildelt Borgardådsmedaljen. Miste livet i drukning ved Kinn.
Thomas Fasting
(1769–1841) sjøoffiser og marineminister. Faren Søren von Fasting var kaptein for Førde-kompaniet, og Thomas Fasting fekk oppveksten sin på Skei i Førde. Som sjøoffiser deltok han m.a. i slaget på København red i 1801. Vart utnemnd som kommanderande for den norske marinen 1814. Marineminister frå 1815 til 1839. Fekk m.a. igjennom at Marinens hovudbase skulle byggjast i Horten, Vestfold.
Anders Trulsson Bruland
(1770–1818). Bonde på Kvamme og lensmann i Førde. Vararepr. på Stortinget 1815-1816.
Henrik Henriksson Sæla
(1780–1862) budde i Bjørkedalen (no Førde kommune) og var son til den vidgjetne ”
Sæla-dokteren” Henrik Ananniasson Sæla frå Naustdal. Han hadde lært seg koppevaksinering av faren, og tok over arbeidet som vaksinatør då faren døydde. Dreiv i mange år som vaksinatør i bygdene langs inste Førdefjorden.
(1781-1856). Prest i Førde 1823–1856, som hadde eiga jekt og selde smør og kjøt til Bergen.
(1787–1851). Ein av dei første prokuratorane (sakførarane) i fylket, og første ordførar i Førde 1838-1840.
Even Hansen
(1790-1840) Fut i Sunnfjord og Nordfjord 1826-1833. Budde på Bruland i Førde. Vararepresentant til Stortinget 1830 og 1833. Seinare fut i Hedmark.
Johannes Falch
(1792–1855). Lensmann, som i 1823 kjøpte eindel av ”Kapteinsgarden” på Skei (
Prestegarden på Skei)og kalla den Falkensten. Fekk i 1836 saman med kjøpmann Lange bygd den første brua over Jølstra – Langebrua. Den første fastskulen i Førde heldt i Falch si tid til på Falkensten.