Samferdsle i Naustdal

Frå Førde heldt krøterdriftene fram over Viksdalen og Sværeskaret til Sværefjorden i Sogn. Derfrå vart krøtera førde med jekter til Indre Sogn (sjå Fehandel og driftekarar) for vidare driving til marknaden på Austlandet.

Skysstasjonar langs Førdefjorden

Den gamle bygdevegen

frå tidleg 1800-tal gjennom Naustedalen vart opprusta frå 1880-talet og utover, med særleg innsats 1917-1920 til bilvegstandard. Fleire bruer over Nausta vart bygde kring 1840.

Dampskipsanløp

Naustdal fekk dampskipsanløp i 1859 med kjøpmann Johan Friis som ekspeditør. Fram til kaia kom i 1877, vart varer og folk rodde ut til dampen på fjorden. Same ordninga brukte ein heilt fram til 1920-talet på Tingneset som var stoppestad i tidlegare Vevring kommune.

Veg Førde-Naustdal

Telefonstasjon

opna i Naustdal i 1905, i butikken til Olai Horstad. Kvellestad i Vevring fekk telefonstasjon i 1908.

Jens Øyra

fekk postruta mellom Førde og Naustdal kring 1920. Seinare kjøpte han motorbåt med passasjersalong. Båten vart også nytta til sjuketransport til Florø.

Den første brua

over Naustdalsfossen vart bygd i 1924. Før den kom, kryssa folk elva med båt, eller gjekk på isen vinterstid.

Naustdal Automobilselskap

vart skipa av aksjonærar i Instedalen, og starta rutedrift opp Naustedalen i 1928. Farten kunne maksimalt vere 15 km/t. Laget endra namn til Naustdal Billag, og dreiv rutedrift i dalen fram til 1942, då det gjekk inn i Firda Billag.

Jernbane

Planen om jernbane Vadheim-Sandane med sidespor til Florø vart tidleg lagd til side (sjå: Jernbaneplanane i Sogn og Fjordane). I staden fekk ein omgrepet ”kompensasjonsvegar” for dei som vart snytte for jernbane. Ein slik var Førde-Florø etter den gamle jernbanelina langs fjorden. Men vegen over Ramsdalsheia kom først, og fjordlina kom i bakleksa. Sambandet langs fjordlina var ikkje fullført før i 1977 (sjå nedanfor).

Samanhengande veg Førde-Naustdal-Florø

vart opna 1945, med veg over Ramsdalsheia.

Veg Naustdal-Andalen

ferdig i 1954. Vegbyggjinga langs fjorden vart i 1946 råka av pengemangel. For å hindre at 40 mann vart oppsagde, lånte kommunen 50.000 kroner til forskottering av anlegget.

Vegsamband Redal-Engebø-Vevring

med 3 tunnelar var ferdig 1967, og samanhengande veg Naustdal-Vevring opna 1970 (sjå bilete øvst). Sambandet frå Vevring mot Stavang i Flora kommune var ferdig 1968, og ”rundkøyringa” Naustdal-

Kjell Opseth opna Naustdalstunnelen i 1995. T.v.: Vegdirektør Olav Søfteland.

Stavang-Eikefjord-Naustdal kom ved opninga av Osstrupen bru i Høydalsfjorden 1977.

Naustdalstunnelen

(5920 meter) opna 1995, og korta strekninga Førde-Florø mykje ned.

Rutebuss

I dag har Naustdal m.a. rutebussamband med Førde og Florø med Sunnfjord-bussen.