|
Det var eit yrande folkeliv når "Sognefjord" la til kai. Biletet er frå juni 1954. Foto frå biletsamlinga til Firda Sjåførforening |
Då Fylkesbaatane starta dampskipsrutene på Sogn i 1858, vart Vadheim eit av dei viktigaste knutepunkta.
Sjur Hansen Vadem (Sjur i Veim) vart første ekspeditør.
Dei første åra hadde Fylkesbaatane elles stopp på
Handelsstaden Værholmen vest for Lavik, den gamle
Skysstasjonen Klævoll, ved
Kapteinsgarden Måren, og på sørsida i Åkre og Ortnevik.
Stopp på Kyrkjebø
Kyrkjebø fekk rutestopp i 1874. Her vart det i 1886 bygd ei konkurrerande kai som fram til hundreårsskiftet hadde ekspedisjonen av dampskipet "Jotunheim". Dette Bergens-eigde skipet gav Fylkesbaatane hard tevling på Sognefjords-rutene nokre år.
Kamp for snøggruta i 1949
Høyanger hadde før 1913 berre sporadiske anløp av Fylkesbaatane. Då industriutbygginga starta i 1915, vart Høyanger raskt ein av dei viktigaste stoppestadane til Fylkesbaatane. Men då "Sunnfjord" vart sett inn i snøggruta på Sogn i 1949, måtte Høyanger truge med å starte eiga rute på Bergen før Fylkesbaatane gjekk med på kravet om at snøggruta skulle gå innom Høyanger. Dette var i strid med ideen om at snøggruta berre skulle ha rutestopp langs hovudløpet av Sognefjorden, og ikkje tape tid ved å svinge inn i alle fjordarmar.
Nedlegging
Snøggrutene mellom Sogn og Bergen med større passasjer- og godsbåtar ("Sunnfjord", "Sognefjord" og "Kommandøren") vart gradvis amputerte på 1980-talet, og nedlagde for godt i 1988.
Ekspressbåtane
|
Sognekongen er ein av eksressbåtane. |
Ekspressbåtane med katamaranskrog vart sette i drift på Bergensrutene i mai 1971. Første sommaren hadde Sogneruta stopp i Lavik og Balestrand, og vinter etter endestopp på fergeleiet Kongsnes (vegen dit ferdig i 1971). Nordeide vart stoppestad frå 1972.
Sidan har ekspressbåten hatt daglege stopp både på Nordeide og Lavik både på sør og nordgåande.