Andreas Øren
(1875-1951), som var gardbrukar, hadde drive handel med trelast og jordbruksvarer kringom i Sogn. Han selde garden for 85.000 kroner då industrireisinga tok til i Høyanger.
Per A. Øren
(1900-1951) var eldste sonen til Andreas. Han starta som dampskipsekspeditør i Høyanger i 1925. Han fekk to år seinare leigevognløyve og dreiv varetransport m.a. for meieriet. Frå 1937 har firmaet også selt oljeprodukt, og har seinare utvida med eiga maskinentreprenøravdeling. Per A. Øren var også medskipar av Høyanger Trelastkompani (sjå
Industri og næring i Høyanger).
|
Dagleg leiar Per Andreas Øren (NRK © 2000). |
Per A. Øren AS
hadde i 2000 20 vogntog, 40 tilsette og ei omsetning på 40 millionar kroner. Dagleg leiar er Per Andreas Øren. Firmaet kjøpte transportselskapet Steinar Foss AS på Kaupanger i 2006. Foss hadde fire tilsette. Same året kjøpte Øren ein stor aksjepost i eigedomsselskapet Dalsmoen 15 AS på Voss. Dette selskapet er største aksjeeigar i transportselskapet Trans Trading AS som Per A. Øren AS tidlegare har samarbeidd med.
Andreas sine brør Hans, Johan og Anton vart også sentrale menn i utbyggjinga av handel og næringsliv i Høyanger i mellomkrigstida:
Hans Øren
(1877-1930) leigde frå 1900 til 1904
Magnus Kirkebø landhandel på Kyrkjebø. Etter ei tid som gardbrukar på Austlandet kom han tilbake og bygde
Øren hotell på Sæbøtangen i Høyanger i 1920. Hotellet hadde 35 senger. På same tomta bygde han også landhandel. Etter at Hans døydde i 1930, dreiv kona Anna hotell og butikk i mange år før døtrene Åslaug og Gunnhild Øren overtok. Butikken vart totalt øydelagt under storflaumen i Høyanger i 1971. Hotelldrifta gjekk på 1970-talet over til Hans Øren, som ei tid også eigde Førde Hotell i Førde. Ørens Hotell vart seinare overteke av Egil Lidal frå Balestrand, som seinare selde til dansken Jens Friis. Hotellet gjekk konkurs i 2002, men vart etter konkursen overteke av Høyanger Trelastkompani AS (sjå under
Trevareverksemder i Høyanger).
|
Øren Hotell |
Johan Øren d.e.
(1880-1958) kom etter ei tid i USA tilbake til Høyanger og starta landhanddel i 1916. Han bygde stort forretningshus i sentrum.
Johan Øren
(f. 1924), son til Johan Øren d.e. overtok butikken i 1954 og la om til jernvarer og konfeksjon. I 1988 selde han forretninga til Geir Høyvik. Seinare overtok Høyanger Samvirkelag eigedomen og reiv forretningsgarden i 2000 for å byggje nytt.
Anton Øren
(1890-1969) starta manufakturforretning i Høyanger i 1923.