Sigurd Kloumann

Adm. direktør i NACO 1915-1946, då han vart avløyst av Johan Mürer (Mürer sat også i styret for Nordag under krigen (sjå Historia i Årdal).

Kloumann planla og leia utbyggjinga av dei store kraftverka Kykkelsrud i 1902 og Vamma 1903. Var i 1903 med på utprøvinga av Birkeland og Eydes flammeomn, og vart i 1904 leiar for utbyggjinga av ein kvelstoffabrikk på Notodden og byggjing av Svelgfoss kraftverk, som til då var det største i Europa. Kloumann deltok i skipinga av Norsk Hydro i 1905. Han planla og leia i desse åra utbyggjing av kraftanlegg og fabrikkar på Rjukan, reguleringa av Møsvatn og utbyggjing i Tyssefalla i Hardanger.

I 1911 skipa han A/S Saudefaldene og leia utbyggjinga av kraftverka i Sauda. I 1915 skipa han A/S Høyangsfaldene, Norsk Aluminium CO - NACO, og leia utbyggjinga av kraftanlegg, aluminiumsfabrikk og industribyen Høyanger.

I 1923 vart selskapet omorgansiert i to selskap: Det eine for kraftproduksjon (norskeigde Høyangsfaldene) og det andre for aluminiumsproduksjon (med amerikanske Alcoa som 50 pst. eigar). Kloumann fekk bygd eigen aluminiumsoksydfabrikk i Høyanger i 1928.

I juli 1940 – kort tid etter den tyske invasjonen i Noreg - tok Kloumann kontakt med sjefen for den tyske flyprodusenten Junkers, Heinrich Koppenberg, og tilbaud seg å utarbeide ein plan for opprusting av norsk aluminiumsindustri. Kloumanns detaljerte kartleggjing av råstoffressursar, kraftressursar og kostnadsoverslag danna grunnlaget for ”Koppenberg-planen”, som m.a. satsa på aluminiumsråstoff frå anortosittstein henta frå gruver i Kinsedal ved Lustrafjorden (sjå Anortositten i Kinsedal), og på skiping av Nordag, selskapet som starta utbygging av eit stort aluminiumverk i Årdal, basert på kraft frå Tyinfalla.

Sigurd Kloumann var styremedlem i NACO til 1946, då han slutta som adm. direktør.

I 1917 skipa Sigurd Kloumann A/S Nordisk Aluminiumsindustri i Holmestrand m.a. for produksjon av kokekar. Kloumann vart i 1933 også direktør for A/S Dansk Aluminium Industri og i 1934 for A/B Svenska Aluminiumskompaniet.

Sigurd Kloumann vart medskipar av Norske private Kraftverkers Forening i 1918 og første formann, og styremedlem i Norsk Arbeidsgiverforening.

Gav ei boksamling på 500 bind til Folkets Hus i Høyanger. På 50-årsdagen hans i 1929 vart det avduka ein byste av Kloumann på torget i Høyanger. Han har også fått oppkalla Kloumanns allé etter seg. Riddar av St. Olavs Orden.

Sjå også:
· Industribyen Høyanger

· Norsk Aluminium CO - NACO