Det vart tidleg ein tradisjon i etterkrigstidas Årdal at sjølvbyggjarar som reiste sin eigen bustad fekk hjelp av arbeidskameratar til tomtearbeid og husbygging. Dugnadsfolk frå denne tida seier gjerne i skjemt at for å få bygd sitt eige hus, måtte dei kvittere med husbygging for andre i årevis etterpå.
Symjebassenga på Tangen og i Øvre vart for det meste bygde på dugnad. Det same vart idrettsplassar, lagshytter og andre idrettsanlegg.
|
Fylkesmann Ingvald Ulveseth opnar folkevegen til Vetti. Foto: Egil Jørgen Lund, utlånt frå Årdal Sogelag. |
Folkevegen til Vetti på dugnad
Den 4,5 kilometer lange vegen frå Hjelle til Vetti gard vart til etter fem års dugnadsinnsats, og vert med rette kalla Folkevegen. 1500 årdøler teikna seg til dugnad. Dei bygde mellom anna fire bruer over Utla, og etter 50.000 dugnadstimar i ulendt terreng kunne vegen opnast i 1977. Jan B. Paulsen tok initiativet og var ei eldsjel i dugnadsarbeidet, og har elles vore kjend som ein aktiv forkjempar for fleire viktige veg- og tunnelprosjekt i indre Sogn.
Store musikkprosjekt
I 1992 gjekk fleire lag og organisasjonar i Årdal saman i det store "Beatles-prosjektet", ein kabaret basert på Beatles sine kjende melodiar. Ialt 170 songarar og musikarar frå 10 til 82 år deltok.
|
Arbeidet med musikkprosjekta går på tvers av orgnaisasjonane. |
Seinare sette Årdalsfolket opp cabareten "Frå Chaplin til Elton John". Denne vart m.a. plukka ut som Sogn og Fjordane sitt hovudbidrag til "Kulturby 2000" i Bergen, og vist fram under opninga med kong Harald til stades. I 1999 fekk "Årdals-prosjektet" Fylkeskulturprisen. Bjarne Øren og
Jan Roger Øren har stått sentralt i den musikalske tilrettelegginga av projekta.