Skavøypoll Misjonsforening
skipa 1890. Frå 1895 gjekk alle misjonslag saman i Vågsøy Misjonsforening.
Ungdomslaget Framhug
(Raudeberg og Halsør) skipa 1895. I 1950 namneendring til Raudeberg Ungdomslag. Bygde i samarbeid med idrettslaget Raudeberg Samfunnshus 1954.
Maurstad ungdomslag
på Bryggja vart skipa på 1890-talet av Mathias Øyehaug. Noverande lag vart formelt skipa i 1913. I 1935 bygde laget ungdomshuset Bygdatun som kring 1990 vart utvida og ombygd til samfunnshus. I nokre år skipa laget til fjellstemne på Beksle saman med lag frå grannebygder på Sunnmøre.
Refvik og Vedvik Ungdomslag
skipa 1902.
Losje Havglimt
fråhaldslag, vart skipa i Måløy i 1904. I 1915 bygde losjen eige forsamlingshus på Midtgård i Måløy.
Skavøypoll Ungdomslag
skipa 1906.
Moldøens Handelssamfund
(seinare Måløy Handelsforening) skipa 1907.
Moldøen Dramatiske Club
eksisterte i tida 1910–1930.
Moldøens Orchesterforening
skipa i tida 1910-1920.
Måløy Idrettslag
skipa 1910 (heitte først Moldøen Turn og Idrætsforening). Bygde saman med ungdomslaget forsamlingshuset ”Friheim” på Gotteberg i 1920, på folkemunne kalla Turnhallen. I mellomkrigtida hadde laget ein dyktig turntropp, og herregruppa vann i 1938 Noregsmeisterskapen i turn kl. 3. Dette var første NM til Sogn og Fjordane fylke i lagidrett.
Måløy Stadion vart opna i 1958. I 2002 vart fotballaget slege saman med Nord-Vågsøy-laget Tornado til ein felles fotballklubb under namnet Tornado Måløy Fotballklubb.
Nord-Vågsøy Sjukerøktlag
skipa 1912, innmeldt Nasjonalforeningen for folkehelsen.
Måløy Ungdomslag
skipa 1915.
Holvik Ungdomslag
skipa 1918.
Kvalheim Ungdomslag
skipa 1920.
Måløy Mannskor
skipa 1925.
Måløy Gamlehjemsforening
skipa 1925. Gamleheimen på Skram stod ferdig 1955.
Måløy Hermetikkarbeiderforening
vart skipa i 1928.
Måløy transportarbeiderforening
vart skipa i 1931.
Tusenfryd
var eit lag skipa på 1930-talet for å hjelpe naudstilte barn med mat og klede i krisetida. Etter krigen gjekk laget over til å yte husmorvikarhjelp og barnestell i heimane. Laget organiserte også helsetilsyn for barn i Sør-Vågsøy.
Raudeberg Idrettslag
skipa 1938.
Raudeberg Songlag
skipa 1940.
Vågsøy Røde Kors
skipa 1944.Kjøpte sjukebil 1947 for tranport av sjuke til Nordfjord Sjukehus. Starta sjuke- og fødestove i leigde lokale på gamleheimen i Måløy 1958.
Galopp
- seinare Bryggja Idrettslag - vart skipa i 1945.
Måløy Husmorlag
skipa 1948. I 1961 bygde husmorlaget ein av dei første barnehagane i Sogn og Fjordane: ”Bamsebo” på Gotteberg.
|
Bamsebo barnehage. Foto: Arild Nybø |
Degnepoll Kvinneforening
skipa 1948.
Fotballklubben ”Tornado”
i Nord-Vågsøy skipa 1958. Rykte i 1998 opp i 2. divisjon. I 2002 vart Tornado slege saman med Måløy til Tornado Måløy Fotballklubb.
Skavøypoll Idrettslag
vart skipa i 1978.