1850
I 1850 vart ein mann drepen av eit jord- og steinskred på garden Bø.
Det store elvebrotet i 1860
I 1860 gjorde ein storflaum stor skade langs Lærdalselvi. M.a. braut elva stygt på Grøtte og tok nye far. På Lærdalsøyri gjekk hovudløpet av Lærdalselvi då framom sentrum ved jektebudene på Løytnantbryggja. No braut flaumen nytt løp for elva lengre nord der elva går i dag. Etter denne skadeflaumen organiserte bøndene seg i elveeigarlag (1864) og starta arbeidet med ei systematisk forbygning av elvebardane (sjå artikkel om "
Laksen og Lærdalselvi").
1861
I 1861 omkom ein mann frå Ljøsne då han vart teken av eit snøskred.
9. desember 1873 gjorde sterk snøsmelting og flaum store skadar med ras og tap av til saman 21 menneskeliv fleire stader i indre Sogn.
|
Propellen på "Ørnen". |
Ørnen-havariet
I 1898 gjekk dampskipet "Ørnen" i fjellveggen i Lærdalsfjorden og sokk. Båten var då i fraktefart på Sogn og der skipet tevla mot Fylkesbatane. I 1998 vart vraket lokalisert.
Brann på Stødno
I 1921 brann så godt som heile tunet på Hjermann-slekta sin storgard på Stødno ned til grunnen.
I 1968 vart hovudbygningen til Lindstrøm Hotell på Lærdalsøyri totalskadd av brann.
I 1976 brann Maristuen Høyfjellshotell ned til grunnen.
Bussulukka på Ljøsne
I mai 1978 omkom sju amerikanske turistar, og sju vart hardt skadde då bygningsplater losna frå lasteplanet på ein Firda Billag-trailer og råka passasjerane i ein passerande turistbuss. Semitraileren var på veg frå Austlandet, og ulukka skjedde i ein skarp sving på Ljøsne.