Men kapasiteten på sjukehuset vart raskt sprengd, og då legen Johan Yttri vart tilsett som overlege i 1929, vart det planlagt eit nytt sjukehus som var stort nok til å stette trongen for sjukehusplassar for Fjordane og Ytre Sogn (Indre Sogn fekk
Lærdal sjukehus i 1930).
Lovnad frå Singer
Noko som sette fart i byggjeplanane var at den styrtrike amerikanske kunstnaren
William Henry Singer jr. i Olden gav lovnad om ei stor pengegåve til bygginga. Men han trekte seinare lovnaden til Florø og bygde i staden
Nordfjord sjukehus for nordfjordingane på Nordfjordeid. Florøværingane samla då inn ein like stor sum som Singer hadde lova, og sjukehuset vart bygd.
Det nye fylkessjukehuset i Florø stod ferdig i 1933 med 60 senger. Etter ei utviding i 1962 hadde sjukehuset 110 senger på medisinsk-, kirurgisk- og fødeavdeling.
Sjukehusstriden som loga opp på 1960-talet då det vart lagt fram planar om nytt sentralsjukehus i Førde, toppa seg i Flora i 1971 (sjå
Kommunehistoria i Flora). Striden enda med bygging av
Førde Sentralsjukehus i Førde i 1979, og modernisering av lokalsjukehusa.
Sjukehuset i Florø fekk 60 senger. Gamlebygget vart pussa opp og utvida med eit nybygg i 1977.
Nedlegging
|
(Foto: Arild Nybø, NRK) |
I 1994 vart sjukehuset i Florø omgjort til ei avdeling under sentralsjukehuset i Førde, og fekk sterkt avgrensa funksjonar i høve til tidlegare.
I 2003 vedtok styret i
Helse Vest at dei kirurgiske og indremedisinske tenestene ved sjukehuset i Florø skal flyttast til andre sjukehus i Helse Førde. Styret vedtok også at det skal etablerast eit nærsjukehus i Florø, i samarbeid med kommunane Flora og Bremanger.
|
Florø sjukehus er frå 2002 underlagt det statlege Helse Førde. (Foto: NRK) |