Skular i Flora

Undervisning på Årebrot skule. (Foto: Torje Bjellaas, NRK)

Lærarskule på Svanøy?

Florø barneskule

Amtsskulen i Florø

Husmorskulen på Svanøy

Den første husmorskulen i fylket vart starta i Holmedal i 1877 (sjå Skular i Askvoll). Etter strid med privatpersonen som dreiv skulen, vart skulehaldet lyst ut på tilbod. Proprietær Ole T. Svanøe fekk tilslaget, og skulen heldt til på herregarden frå 1891 til 1897. Då vart han flytta til Kroken i Luster (sjå Luster kommune), fordi Ole Svanøe ikkje ville utvide skulebygget, slik fylket kravde. I tida skulen heldt til i Holmedal og Svanøy, gjekk det 349 elevar ved husmorskulen.

Middelsskule, realskule og ungdomsskule

I 1899 vart det starta middelsskule i Florø. Skulen var eigd av kommunen og private, og apotekar J.W. Flood vart tilsett som styrar. Skulen vart tre-årig realskule i 1930. Realskulen hadde tre realskuleklassar og to framhaldsskuleklassar.

Realskulen og framhaldskulen vart avløyst av ungdomsskule i 1970. I staden for internat, satsa Flora kommune på ei omfattande skuleskyssordning med hurtigbåtar til øyane. Brødrene Aa i Hyen i Hyen bygde dei fleste båtane, som også fungerte som bygderuter til byen.

I tillegg til Florø, er det eigen ungdomsskule i Eikefjord og Norddalen (sjå nedanfor).

Målskulen

Flora mållag vart skipa 1911 og dreiv kveldssskule -"målskulen" - frå 1911 til 1913. Skulen hadde undervisning i nynorsk og engelsk og hadde 20 elevar.

Fiskarfagskulen i Florø

Florø Merkantile Forenings Handelsskule

vart skipa i 1935 av den lokale handelsforeninga. Skulen vart dei første åra driven som kveldsskule. Seinare stortingsmann og ordførar Ludvig Olai Botnen var mellom styrarane ved handelsskulen, som gjekk inn i Flora vidaregåande skule i 1976 (Flora gymnas).

Flora lærlingeskule

vart starta i 1956 med 22 elevar i første kullet. Skulen var treårig, og Hjalmar Nordal var styrar. I dei åra skulen var i drift, vart den driven som kveldsundervisning.

Flora gymnas

Hopen Vidaregåande Skule og Evangeliesenter

i Eikefjord har sidan 1988 vore driven av pinserørsla i Norge som eit rehabiliterings-og utdaningssenter for unge rusmisbrukarar. Skulen har 46 elevar frå heile landet, gjev undervisning i snekkarfag, kokkefag og allmennfag. Skulen har eige internat.

I samband med asylmottaket på Solbakken er det sett i gang grunnskuleundervisning for innvandrarar og asylsøkjarar. Språkundervisning for asylsøkjarar og innvandrarar finst i 2002 også i Førde, Gloppen, Stryn, Sogndal og Aurland.

Svanøy skule.

Kommunale skular idag:

(Tal frå 2001)

Askrova (1.-7. klasse) 16 elevar
Batalden (1.-7. klasse) 12 elevar
Brandsøy (1.-7. klasse) 69 elevar
Eikefjord (1.-10. klasse) 158 elevar
Flora ungdomsskule (8.-10. klasse) 402 elevar
Florø barneskole (1.-7. klasse) 487 elevar
Krokane (1.-7. klasse) 230 elevar
Rognaldsvåg (1.-7. klasse) 14 elevar
Solheim (1.-10. klasse) 32 elevar
Standal (1.-7. klasse) 28 elevar
Steinhovden (1.-7. klasse) 27 elevar
Svanøy (1.-7. klasse) 15 elevar
Torvmyrane (1.-7. klasse) 191 elevar
Årebrot (1.-7. klasse) 17 elevar

Skulehuset på Kinn på 1920-talet. Lærar Sofie Indrebø er personen i midten. (Foto © Fylkesarkivet)