Skivenesvågen ut mot kystleia var ein svært god kastevåg for landnot under sildefisket. Mussafisket hadde også stort omfang.
Viktig næring
|
Sildefiske i Sørbøvåg like før 2. verdskrig. (Foto © Fylkesarkivet) |
I 1868 er det registrert 189 fiskarar frå Hyllestad på vårsildfisket, og i dei gode åra for sildefiske på 1920-talet var det registert kring 165 fiskarar i Hyllestad.
I 1881 er Rognald Knutson Skivenes (1822-1886) registrert som styrmann på ein båt med seks mann som deltok i torskefiske på Sunnmøre. Ole M. Bjørnstad dreiv sildemottak og saltebu i Skifjorden, og i 1892 bygde Jon Hansen Gaugstad ei stor saltebu med landhandel og 30 meters kai på Laberget.
Over til snurpenot
Notlaget i Leirpollen var truleg det første i kommunen som tok i bruk snurpenot tidleg på 1900-talet (sjå elles om snurpenot under Flora kommune: "
Ny oppgangstid i sildefisket"). På same tid vart dei fleste landnotlaga avvikla.
Men vinteren 1929 stengde landnotbruket til Gerhard Skivenesvåg inne kring 100.000 hektoliter sild i ein våg på Stroka i Værlandet. Det vert fortalt at dei auste opp sild frå stenget langt ut på våren.
I toppåra kring 2. verdskrig var det 15-20 notbruk i Hyllestad som dreiv sild- og brislingsfiske. I brislingsesongen var kring 100 mann frå kommunen opptekne med fiske.