|
Byste av Gert Falch Heiberg på folkemuséet. (Foto: Arild Nybø, NRK © 2003) |
I museumstunet på Øvre Amla stod dei gamle bygningane tett, og brannfåren var stor. På 1970-talet starta derfor flyttinga av museet til ei ny tomt på Kaupangerskogen. Her vart det også bygt eit stort museumsbygg med administrasjonskontor, utstillingssalar og brannsikre magasin.
Flyttinga av dei fleste bygningane frå Amla var gjennomført i 1984 då kong Olav V stod for den offisielle opninga av det nye museet i samband med at han var i Sogn på 800-årsjubileet for
slaget ved Fimreite.
|
Eldre hus på muséet. (Foto: Arild Nybø, NRK © 2003) |
Sidan har museet også bygt ut ei meir moderne avdeling - m.a. er det reist eit norsk typehus frå 1980-talet, innreidd i alle rom slik stil og smak var på den tida då huset vart bygt. Muséet viser også interiør slik folk møblerte i mellomkrigstida 1918-1940.
Sogn Fjordmuseum ved ferjeleiet i Kaupanger inneheld samlingar av m.a. av eldre båtar og sjøbruksutstyr frå Sogn.
|
Elvahaug. (Foto: A. Nybø, NRK) |
Museumseigedomar i Sogndal
I 1997 fekk De Heibergske Samlinger - Sogn Folkemuseum ei stor testamentarisk gåve etter Marit Mossige Ryssdal (1908-1997). Det var eigedomen "Elvahaug" midt i Sogndal sentrum. Her hadde ho og ektemaken Jon Ryssdal frå Gloppen m.a. ei stor samling biletkunst, bøker og møblar. Etter testamentet skal Elvahaug takast vare på slik den stod då De Heibergske Samlinger - Sogn Folkemuseum overtok den.
Båtbyggeri i Eidet
I 2000 overtok museet småbruket og båtbyggeriet etter Svein Henjesand i Eidet. Dette ligg i enden for den vesle fjordarmen som stikk austover frå Sogndalsfjorden.
|
Stedje Mølle. (Foto: A. Nybø, NRK) |
Stedje Mølle og oppgangssag
Museet har også ansvaret for den verna
Stedje Mølle ved Sogndalsaelva, og ei oppgangssag på Tingastad ved Sognefjorden like sør for Sogndal Lufthamn.
|
Gamalt tun på muséet. (Foto: Arild Nybø, NRK © 2003) |