Busch-slekta var frå midten av 1600-talet mellom dei største jordeigarane i noverande Solund. Mellom anna eigde den garden i Rånøy, som vart rekna som den rikaste garden i Utvær skipreide, i 120 år.
Ivar Busch var den første. Han var truleg son til futen i Sunnfjord, som på den tida budde på Fure - sjå:
Futesetet på Fure. Han var gift med dottera til den rike handelmannen Mikkel Jakobsen i Kolgrov. Mikkel hadde grave til seg 12 gardar då han døydde i 1676. Svigersonen Ivar Busch arva dei fleste gardane, i tillegg til tre gardar i Sunnfjord.
Rikast i Solund
På Buskøy i Nordsula bygde sonen Fredrik Busch handelssete og gjestiveri i 1705, og kjøper elles ut gardar son andre sysken har arva. Han eigde elles fleire jekter og ei mengd mindre båtar og fiskebruk. Både i Solund og kring Åfjorden i Hyllestad hadde han sitjenøter for laksefiske. Fredrik er den rikaste mann som har budd i Solund nokon sinne. I dødsbuet etter han var det m.a. ei rikt utskora himmelseng som no er på Historisk Museum i Bergen. Stova på Refsøen var prydd med måleri, gardiner og stort bordbestikk i ekte sølv. Han brukte også "tandbørste i futteral"!
Sonen Nils Fredrikson ser ut til å ha mindre forretningsambisjonar enn faren, for under han vert aktiviteten mykje redusert.
Enkja blei verande
I 1777 vart Refsøen seld til Bengt Gustav Winding, som arbeidde som fullmektig hos futen
Simen Hansen i Alværa. Men enkja etter Nils Busch nekta å flytte ut, og får etter mykje spetakkel lov å bu der så lenge ho og slekta ynskte. Winding døydde 45 år gamal i 1787 og eigedomane vart etter kvar delte opp.
Tips andre om denne saken
Utskriftsvennlig versjon
