Kjende personar i Solund fødde år 1200-1900

Filippus Erlendsson til Odensland

(ca. 1285 - ca. 1340), busett på Kyrkjebø.

Erlend Filippusson til Losna

(ca. 1330-1407). Første riksråd i den rike og mektige Losna-ætta.

Kiving om Eindride i Losna-spelet. (Foto: NRK)

Eindride Erlendsson til Losna

(- 1438). Vart som faren Erlend Filippusson til Losna riksråd, fehirde og i tillegg høvedsmann på Tønsberghus. Far til Erlend Eindrideson til Losna.

Erlend Eindrideson til Losna

(- 1452) Riksråd (statsråd), fehirde (skattmeister) i Bergen og høvedsmann på Tøndsberghus.

Iver Nilsson Busch

(d. ca. 1688). Handelsmann og jordeigar, og truleg son til futen i Sunnfjord. "Ættefar" til ei av dei rikaste slektene i Solund på 1600- og 1700-talet - Riksmannsslekta Busch. Gjennom kjøp og inngifte i andre slekter slo Busch-slekta under seg eit stort tal gardar og dreiv handel og gjestgiveri m.a. ved Hersvik i Nordsula.

Fredrik Iverson Busch

(1674-1750). Handelsmann og jordeigar, og den rikaste mann som nokon sinne har budd i Solund.

Ola Johannesson Stokkevåg

(1771-1820) fiskarbonde frå Stokkevåg. Vert kalla "Stokkevågmannen".

Niels Griis Alstrup Dahl

(1779-1852) frå Kvinnherad, busett i Eivindvik i Gulen. Prest, opplysningsmann og politikar.

Johannes Mathiesen

(1826-1908) frå Kråkevåg. Lensmann og politikar. Arbeidde først som lensmanndreng, og vart lensmann i 1873-1906. Lensmannsembetet gjekk "i arv" i denne slekta i fire generasjonar, og tre av dei budde på lensmannsgarden i Kråkevåg fram til 1934, då kontoret vart flytta til Hardbakke. Sjå også Johannes Mathiesen.

Hans Andreas Lexau

(1826-1884) frå Bremanger, rik handelsmann busett på Husøy.

Petrine Sørendotter Tungodden

(1835-1909) frå Tungodden. Fiskarkone, som etter at mannen døydde i 1883 rusta ut to fiskebåtar som deltok i torskefisket på Sunnmøre. Det var svært sjeldan at kvinner markerte seg i næringslivet utanom gard og heim på den tida. Petrine dreiv elles undervisning i veving og tilskjæring.

Halvard Jensen

(Kringlen) (1832-) frå Brekke i Gulen. Lærar, handelsmann og politikar. Var lærar i Brekke og Solund før han i 1864 vart eigar av Handelsstaden Steinsundholmen. Han eigde Steinsundholmen til konkursen i 1871, var også postekspeditør frå 1868 og rutebåtekspeditør frå 1875. Ordførar i Solund 1870-1874, 1876-1881, 1886-1890.

Georg Balchen Hess

(1848-1922) frå Buskøy. Kjøpmann og fiskeeksportør.

Johannes Kristofferson Lågøy

(1857-1919) frå Lågøy. Fiskar og politikar. Han var mellom dei første i kommunen som installerte motor i fiskebåt. Det var i 1907. (Også lensmann Magnus Mathiesen var tidleg ute med motorbåt, i 1906). Ordførar 1896-1901 og 1905 -1913.

David Olai Lund

(Indrevær) (1863-1925) frå Indrevær. Han vart kalla "Filippinar-Lund", og vert rekna som ein av dei fremste norske misjonærane.

Rasmus Haugsøen

(1867-1951) frå Masfjorden. Målreisingsmann og prest.

Knut Johan Berentsen

(1868-1952) frå Indrøy. Handelsmann og fiskeeksportør.

Paul Takle

(1871-1947) frå Hardbakke. Bonde, handelsmann, bankkasserar og Høgre-politikar.

Nils Gregoriussen Tveranger

(1874-1953) frå Tverangsnes i Solund. Skomakar. Starta produksjon av Aurlandskoen.

Jan Hess

(1874-1948) frå Refsøen. Fiskebåt- og selfangstreiar.

Per Anton Færøvik

(1876-1937) frå Solund, busett i Bergen. Offiser, lagerformann og Høgre-politikar. Han arbeidde m.a. ved Bergens Elektrisistetsverk og var medlem av Bergen bystyre og skulestyre. Varaprepresentant på Stortinget frå Nygård krins 1919-1921 (Bergen var ein periode som andre fylke delt inn i valkrinsar). Vararepresentant frå Bergen 1922-1930.

Johan A. Færøy

Johan Andreasson Færøy

(1878-1946) frå Færøy. Lærar og politikar. Vart m.a. lærar i Hersvik frå 1901. Formann i skulestyret 1915-1927. Medlem av kommunestyret frå 1910, i formannskapet frå 1923, og ordførar 1929-1940. Han var også medlem i fylkesutvalet.

Hans Søreide

(1878–1963) fødd i Solund, busett i Måløy og Ålesund. Industribyggjar, hermetikkfabrikant og politikar.

Johanna Karine Lien

(1879-1954 ) frå Lia. Fiskarkone som etter ein bergingsdåd i 1918 fekk utmerking frå Carnegies Heltefond. Ho berga grannen og sonen hans som hadde kollsegla i uver.

Lyder Strømmen

(1882-) frå Kolgrov. Fiskebåt- og selfangstreiar, og ein av dei store reiarane i det norske selfangstmiljøet kring 1. verdskrig.

Bertel Henrikson Tungodden

(1889-1955) frå Tungodden. Fiskar og organisasjonsmann.

Einar Sverdrup

(1895–1942) fødd i Solund som son av soknepresten der. Direktør og oberstløytnant.

Neste side:
· Kjende personar i Solund fødde år 1900-1940
Hovedside:
· Kjende personar i Solund