Klebersteinsbrot
Sør for Øynastølen ved Haukedalsvatnet er det tydelege merke i fjellet etter eit klebersteinbrot der folk i eldre tider har hakka ut kokekar i kleber. Nokre uferdige emne står fast i fjellet.
Bautastein og gravrøyser på Følling
På Følling er det funne ein bautastein og to gravhaugar frå 800-talet, kalla "Bygdahogane". Haugane inneheldt manns- og kvinnegraver med våpen, rideutstyr gards- og husreidskapar.
Gravhaugar på Hellebust
På Hellebust låg det fleire gravhaugar frå 900- og 1000-talet. Forutan våpen og rideutstyr, vart det også funne restar av ei bronsevekt.
Mannsgraver i Viken
I Viken er det funne fleire mannsgraver frå 500-1000-talet med våpen og gardsreidskapar, og ei mosaikkperle frå yngre jernalder.
Funn på Nes
På Nes er det gjort fleire lausfunn av flintreidskap frå yngre steinalder.
Mannsgraver på Åsberg
På Åsberg, Sande, vart det i fleire mannsgraver frå 900- og 1000-talet funne mange våpen og ein del restar frå seletøy.
Funn på Osen gard
|
Glasperler frå vikingtida funne på Osen gard. |
På
Osen gard er det i 2001 gjort sjeldne funn etter ein gard frå bronsealderen. Tidlegare er det m.a. gjort funn av fuglenål i bronse og eit svært spesielt blykors med runeskrift frå 500- og 600-talet. Krossen vart funnen på toppen av ei heidensk grav, men runeskrifta inneheld deler av den kristne bøna "Fader vår".
Gravhaugar på Korsvoll
På Korsvoll har det vore fire gravhaugar, ein med bautastein. Her er det funne manns- og kvinnegrav m.a. med perler, ullkam, steikepanne, ause, våpen og gardsreidskapar frå vikingtida.
Gravhaugar i Bygstad
I Bygstad er det på Tussehåjen og Bygdahåjen funne restar etter tre gravhaugar frå vikingtida. I ei mannsgrav fann ein m.a. ein nøkkel, ei skålvekt i bronse og ymse reidskapar.