Kommunehistoria i Balestrand

Dei tre kyrkjesokna som deretter høyrde under presten i Balestrand, var Fjærland, Tjugum (med grense vest for Flesje) og Vangsnes, og dette vart den nye soknekommunen - eller kommunen.

Nynorsk

Balestrand kommune tok i bruk nynorsk som administrasjonsmål i 1923. Elles var folk frå Kvamsøy sterkt engasjerte i den harde målstriden som gjekk føre seg i Vik kommune kring 1900 (sjå "Historia i Vik").

Regulering i 1964

Fram til den store kommunereguleringa i 1964, høyrde bygdene frå og med Lånefjorden i vest, Nessane, Sæle, Kvamsøy, til og med garden Stokkebø ved Målsnes til Vik kommune, medan Vangsnes på sørsida av fjorden høyrde til Balestrand. På austsida av Fjærlandsfjorden høyrde også grendene til og med Eitorn i aust inn under Balestrand kommune.
Ved kommunereguleringa i 1964 vart grensene ordna "etter fjorden", slik at Vangsnes gjekk til Vik. Balestrand fekk overført bygdene vestover til og med Lånefjorden frå Vik, medan grendene frå Hella og innover mot Eitorn på austsida av Fjærlandsfjorden - med unntak av ein liten "snipp" ved Tenningen nord for Hella - gjekk til Leikanger.

Rådhus bygt i 1967

Frå 1920 og fram til kommunen bygde rådhus i slutten av 1960-åra, heldt kommuneadministrasjonen til i det tidlegare Hotell Balestrand, som sparebanken hadde kjøpt. Frå 1947 til 1967 heldt kommunekontora til i huset til Svanhild Grøneng. I 1967 vart rådhuset bygd. Fleire offentlege og kommunale kontor har sidan 1988 hatt tilhald i Handelshuset Holmatunet.

Fjærland fråskild

I 2000 vart Fjærland skild frå Balestrand og lagt til Sogndal kommune.

Balestrand kommune grensar i dag mot Høyanger ved Høyangertunnelen, mot Gaular kommune på Gaularfjellet, mot Førde på Jostefonn, og mot Sogndal og Leikanger kommunar i Fjærlandsfjorden.

Balestrand samarbeider med Høyanger kommune, m.a. om felles jord- og skogbruksforvalting.

Politisk leiing:
· Ordførarar i Balestrand kommune

Holmen er kommunesenter i Balestrand kommune. (Foto: Asle Veien, NRK)