·
Handel og gjestgjevarar på Kvamsøy
·
Handel og gjestgjevarar på Tjugum og Holmen
Ola Olson Engelstad
frå Modum dreiv midt på 1800-talet handel i Holmen. Han vart på folkemunne kalla "Borgar-Ola".
Nils Olson
dreiv midt på 1800-talet handel i Balaviki. I 1863 selde han eigedomen til landhandlar Jørgen Mo frå Hafslo. Etter nye eigarskifte, kom eigedomen i 1889 til Nils Johannessson Rendedal, som grunnla
Hotell Balestrand i 1892.
Mons Tjugum
fekk i 1862 løyve til å drive landhandel og gjestgiveri i Lundsviki. Tjugum hadde eige ishus for ising av laks og annan fisk som han selde vidare. Handelen tok slutt i 1913.
Ellend A. Vangsnes
tok over landhandelen og starta trelastforretning på Kvamsøy i 1886. Handelen vart avvikla i 1902 (sjå "
Handel og gjestgjevarar på Kvamsøy").
På Ulvestad i Vetlefjorden var det landhandel frå 1880-talet til slutten av 1970-talet.
med butikk i kafébygget ved Skåsheimselvi. Kring 1910 vart det laga eige bygg for butikken, som vart driven til 1954.
Ese med butikk og kafé i Holmen
Johannes Nilsen Ese og kona Durdei starta 1905 butikk, souvenirsal og kafe i Holmen. Durdei og døtrene dreiv også vevstove. Forretninga vart lagt ned i 1934. Butikken vart seinare nytta som skulelokale både av realskulen, framhaldsskulen og gymnaset i 1940-åra (sjå "
Skular i Balestrand").
Eit tilbygg til huset vart seinare leigd ut til
Balestrand Samvirkelag for systove og manufakturbutikk. Det vart rive i 1959.
Kristian Virkesdal
frå Eivindvik starta landhandel og bakeri i Holmen ca. 1911. Han bygde også kai. Kristoffer Torsnes tok over i 1912 og bygde stort forretningshus. Han gjekk konkurs i 1927, og Arne I. Offerdal frå Feios tok over saman med broren Jens under firmanamnet Brødrene Offerdal L/L. Broren Ingvald Offerdal tok over då brørne døydde. Han hadde tidlegare drive forretning i Årdal etter tanta Andrine (sjå "
Landhandlar i Årdal" - Kristian Offerdal). "Offerdalsbui" vart lagt ned i 1985.
H. O. Thue Landhandel
vart starta i Balestrand i 1914 av Helge O. Thue. I mellomkrigstida tok han imot bær og frukt for vidaresal til fabrikkar. Firmaet dreiv også sportsbutikk og kiosk med souvenirsal. Sonen Sigurd og systera Sitona tok over i 1944 og dreiv til 1982.
|
Butikken i Kvamsøy - sjå omtale nedanfor. (Foto: Arild Nybø, NRK) |
Gjert Livden
starta landhandel i Kvamsøy i 1917. Han starta i gardstunet, men bygde seinare forretning nede ved damskipskaia si ved sjøen (sjå bilete), der Fylkesbaatane hadde rutestopp. Gjert dreiv også som frukthandlar. Sonen John tok over drifta av landhandelen som seinare vart lagt ned. Bygningen har seinare vore leigd ut til turistar, men brann ned i august 2002.
Brødrene Offerdal L/L
landhandel i Balestrand - sjå Kristian Virkesdal 1911.
Landhandlar i Vetlefjorden
Anton Frøysland og Kristian Eiken starta kvar sin landhandel i Vetlefjorden i 1936 i samband med at Gaulafjellsvegen var under anlegg. Frøysland dreiv først i eit forsamlingshus og seinare ved kaia på Ulvestad. Kristian Eiken sin landhandel vart seinare teken over av Markus Feten som dreiv nokre år før han la den ned.
Eithungjerde og Bale i Holmen
Andreas Eithungjerde starta i 1937 landhandel i Holmen, der han hadde eige forretningsbygg. Arne P. Bale dreiv bakeri like ved, og brøda vart selde i butikken. Eithungjerde starta som handelsmann i 1905, og leigde frå 1912 ein landhandel og dampskipsekspedisjonen i Marifjøra (sjå
Luster kommune). I 1950 tok sonen Sverre Eithungjerde over og bygde det første fryseboksanlegget i bygda, der folk kunne leige fryseboksar i tida før kjøleskåp heime kom i alminneleg bruk. I det nye forretningsbygget frå 1962 heldt postkontoret til fram til det flytta til
Handelshuset Holmatunet i 1989. Sverre bygde i 1967 utleigehytter ved Skåsheimselvi.
Landhandel i Lånefjorden
Sigurd Breisnes frå Lavik starta i 1946 landhandel i Lånefjorden. I 1956 flytta han til Bergen og selde butikken til Erling Nesse ved
Kåre Nesse, som dreiv til slutten av 1970-talet. Huset vart rive då riksvegen kom.
starta i 1946.
Trygve Tenningås
starta landhandel og mjølkeutsal i Holmen 1961 - sjå
Balestrand Meieri.
- forretningar, helsestell og offentlege kontor.