Sognekraft

Hovudkontoret er plassert i Vik. Selskapet har i 2002 avdelingskontor med ingeniør-avdeling i Sogndal og dessutan ein mindre lokal base i Balestrand. Fram til 2001 hadde Sognekraft også kontor på Leikanger.

Selskapet har eigen kraftstasjon i Årøy i Sogndal kommune og 12 prosent av Vikfalli. Sognekraft har konsesjon på straumleveransar til Balestrand, Leikanger, Sogndal og Vik kommunar, samt Frønningen i Lærdal kommune.

Årøykraft

Kraftstasjonen i Årøy vart bygt under 2. verdskrig av A/S Årøy, der Norsk Hydro og seinare naziselskapet A/S Nordag vart over 2/3 eigar, og Hafslo og Sogndal kommunar som øvrige eigarar. Staten kravde eigarrett til Nordag-aksjane i A/S Årøy etter krigen.
Dette utløyste mykje strid: Sognekraft var etter den opphavelege planen meint å omfatte alle kommunane i midtre og indre Sogn frå og med Balestrand og Vik og austover.
Men etter hard strid om eigarrettane til kraftverket valde Hafslo og Sogndal å stå utanfor Sognekraft-samarbeidet dei første åra. Korkje Årdal, Lærdal eller Borgund kommunar hadde eigeninteresse i å gå med, for dei løyste sitt kraftbehov lokalt med Tyin-kraft og eit lokalt kraftverk i Lærdal.

Striden kring eigarretten til Årøykrafta lamma Sognekraft i mange år. Dei bygde ein del liner, men mangla kraft å levere frå eigen produksjon.
For å kompensere for den manglande krafta frå Årøy, satsa Sognekraft frå 1952 på å byggje ut Vikfalli. Først i 1954 løyste striden kring eigedomsretten til Årøy seg ved at dei opphavelege eigarane, Sogndal og Hafslo, fekk kjøpe aksjane som Staten sat på.

Profilen av spennet over Sognefjorden mellom Fatlaberg og Rabnaberg.

I 2002 er L/L Sognekraft eigd med 44,44 % av BKK (Bergenshalvøens Kommunale Kraftselskap), Vik kommune 19,79 %, Sogndal kommune 10,98 %, Luster Energiverk AS 12,91 %, Luster kommune 6,88 %, Balestrand kommune 2,5 % og Leikanger kommune 2,5 %.

Tavle som Betonmast sette opp då dei bygde fjordspennet.