|
Jostedal kraftverk ved Myklemyr. (Foto: Ottar Starheim, NRK © 2003) |
Luster kommune er den største kraftprodusenten i fylket - ja - faktisk ein av dei største i heile landet. Men trass i dei enorme kraftressursane, finn vi også det største "kraft-paradokset" i Luster: Då Jostedal kommune fekk elektrisk straum i 1958, var det den siste kommunen i fylket som vart elektrifisert.
Dei største fallrettane i Luster vart tidleg på 1900-talet kjøpt opp av framandfolk. Fallrettane skifte mange eigarar før ÅSV fekk hand om Fortun på 1950-talet og bygde ut eit av landets største kraftverk der. For Jostedals- og Leirdøla-vassdraga lengre vest skjedde det ikkje noko før Staten vart eigar av fallrettane og bygde ut på 1970- og 1980-talet.
Nokre av dei første kraftstasjonane i Sogn og Fjordane vart bygt i Luster.
Med få unntak, var dei ovanfornemnde kraftverka svært små. For å sikre nok kraft, gjekk både Luster og Hafslo kommunar på 1920-talet inn i den såkalla den
Gaulasamskipnaden.
I 1980 gjorde Luster formannskap opptaket til at dei lokale kraftlaga frå dei tre tidlegare kommuneeiningane skulle slå seg saman.
Feigum-vassdraget med den 218 meter høge Feigumfossen var det første vassdraget i Luster som vart kjøpt opp.
Konsul Harald Larsen la store planar for stålindustri i Høyanger, og då det ikkje gjekk, satsa han på Fortun, der han bygde ein liten kraftstasjon i 1919 og eit lite stålverk - L/L Sogns Elektrostaalverk.
ÅSV (Årdal og Sunndal Verk) si regulering av Fortun/Grandfasta-vassdraga i Luster på 1950-talet var den største kraftutbygginga i Noreg til då.
Det lengste vassdraget i Sogn og Fjordane er Jostedalselvi. Her er det ei fallhøgde på langt over 1000 meter. Likevel skulle det gå over 70 år frå vassdraget første gong vart kjøpt opp og til det vart utbygt. Det er også eit stort paradoks at bygdene i den "vassrike" Jostedalen var dei siste i fylket som fekk elektrisk straum. Det skjedde først i 1958.
·
Lokale folk var første fossekjøparar
·
Jotunheimen - Breheimen-planen
·
Leirdøla-utbygginga
·
Store industriplanar i Gaupne
·
Utbygging og vern i Jostedalen
I 1994 vart Statkraft Region Midt-Norge skipa med hovudkontor i Gaupne.