Hovudside:
·
Milestolpar i Sogn og Fjordane fylkeskommune
Milestolpar i fylkeskommunen før år 1900:
1763
Nordre Bergenhus Amt vert skipa etter opptak frå
Joachim de Knagenhjelm. Han tek bustad på Kaupanger.
1771
Amtmannen buset seg i Bergen, og fylket vert styrt derfrå til 1840.
Formannskapslova og det lokale folkestyret vert innført i 1837. 22 ordførar møtest til det første fylkestinget på Tross i Fjaler 30. juli 1838.
Amtmannen flytter til Lærdalsøyri og vert (med eit kort unntak) buande der til 1864.
1846
Fylket startar sin første skule - ein landbruksskule med ni elevar på garden Vestrheim på Kaupangerskogen. Skulen vert lagt ned etter få år.
1856
Fylket kjøper storgarden Mo i Førde og startar landbruksskule:
Mo Jordbruksskule.
Fylkesbaatane - skipinga av Nordre Bergenhus Amtbaater i 1858 er i historisk perspektiv framleis det viktigaste vedtaket som er gjort av fylkestinget i Sogn og Fjordane. Fylkesbaatane vart styrde frå Bergen heilt fram til 1986, då administrasjonen vart flytta til Florø.
Amtmannen flyttar til ny embetsgard på Nybø i Leikanger, og sidan har fylkesadministrasjonen halde til der.
1864
Fylkestinget set for første gong opp ei prioritetsliste for bygging av vegar i fylket. Veg frå Jølster til dampskipskaia i Førde får første prioritet - sjå:
Veg mellom Jølster og Førde.
1866-1871
Sparepolitikken til dei såkalla "bondevenene" når klimaks i fylkestinget med framlegg om privatisering av Fylkesbaatane og nedlegging av Mo landbrukskule. Fylkesbaatane vert lyste ut for sal, men ingen melder seg. Mo vert pakta vekk til 1884, då fylket tek over att.
1874
Fylket tilset sin første amtsingeniør, lokalisert på Hermansverk. Ingeniøren får ansvaret for vegstellet. Sterk satsing på bygging av vegar frå innlandbygder i Stryn, Jølster, Gaular og Jostedalen.
Fylket startar den første amtsskulen (seinare kalla fylkesskule) på Apalset i Gloppen.
1877
Den første fylkeskommunale husmorskulen vert starta i Holmedal med 22 elevar. Sjå:
Skular i Askvoll.
1882
Fylket får eige "amtsutval" - eit slags fylkesutval - med amtmannen og fire folkevalde som medlemer. Det får lite å seie før hundreårsskiftet.
1890
Fylkestinget avviser eit riksframlegg om direkte val av fylkesting og langt større folkevald mynde enn tidlegare: Dei meinte ordninga med sterk makt til fylkesmannen var den beste ordninga for Sogn og Fjordane.
Jernbanesaka kjem for første gong fram for fylkestinget. Fylkestinget støttar ein Sogneaksjon for å få Bergensbanen i ei "låglandsline" gjennom Lærdal og Aurland, men når ikkje fram. Stortinget vedtek "Finse-lina" over høgfjellet i 1894.
1891
Sogn og Fjordane får sin første fylkeslege - J. L. Møinichen.
1895
Christopher Engebreth Borch vert første vegsjef i Sogn og Fjordane. (Han vart tilsett som amtsingeniør i 1885) Vegkontoret hadde i 1896 fem tilsette.
1898
Ordninga med futar og futedøme vert vedteke avvikla i 1894, men vert ikkje gjennomført i fylket før i 1898. Futane hadde møte- og talerett i fylkestinget.
Fylket leiger storgarden Rikheim i Lærdal og driv jordbruksskule der til 1907.