Fylkesmannen i Sogn og Fjordane i dag

Berre Statens mann

Etter omskipinga av fylkeskommunen i 1976, er fylkesmannen berre Staten sin øvste representant i fylket. Fylkeskommunen er styrt av eit folkevald fylkesting og fylkesordførar, og med ein fylkesrådmann som øvste administrative leiar.

"Til gagn for fylket"

Som Kongen og regjeringa sin øvste representant, skal fylkesmannen formidle nasjonale politiske mål og retningsliner, og samstundes gje tilbakemelding til statsstyret om korleis den statlege politikken og - verkemidla ter seg i praksis.

Fylkesmannen har instruksfesta at han skal verke til gagn for fylket. I dette ligg det at han spelar ein aktiv rolle i samfunnsbygginga og tek initiativ til beste for fylket.

Fylkesmann frå 1994 har vore Oddvar Flæte. Frå 1995 til 1997 var Per Drageset assisterande fylkesmann, og frå 1997 Ingrid Bjørkum.

100 tilsette

Dei ulike kontora og etatane som sorterer under fylkesmannen i Sogn og Fjordane har i 2002 kring 100 tilsette.
Her er eigne avdelingar for miljøvern, landbruk (lokalisert til Førde), oppsyn med kommunal økonomi og forvaltning, sosiale spørsmål som t. d. barnevern, sivil beredskap, og juridisk avdeling. Frå og med 2003 er også fylkeslegen og Statens utdanningskontor lagt under fylkesmannen.

Fylkesmannen har vedtaksmynde i ei lang rad saker. Dette gjeld m.a. søknader om separasjon og skilsmisse, fri rettshjelp, saker etter forureiningslova og utvida opningstid for butikkar.

Nasjonalparkar og naturvern i Sogn og Fj

Miljøvernavdelinga til Fylkesmannen har m.a. ansvaret for å forvalte dei verna områda, som utgjer kring 15 % av det totale arealet i Sogn og Fjordane.

Sjå også:
· Amtmenn og fylkesmenn i Sogn og Fjordane
· Statlege institusjonar i Sogn og Fjordane