Leikanger fekk vegutløysing til Sogndal i 1937, etter at det hadde vore reist krav om vegsamband austover sidan 1910. Vegen var broten fram til Slinde frå austsida i 1933, og i 1935 vart det sett inn 50 mann på dei siste kilometrane framom det stupbratte Fatlaberget.
På opningsdagen var det stor folkefest på Hermansverk. 22 bilar køyrde i kortesje frå Sogndal til Hermansverk, og tilbake til Hofslund hotell i Sogndal med festmiddag for 150 gjester.
Rasfarleg veg
Vegen framover Fatlaberget har vore ein av dei mest rasfarlege riksvegstrekningane i Sogn og Fjordane, og fleire gonger har det vore nære-på-hendingar. (Sjå video). Også i Stedjeberget mellom Fardal og Sogndal har det gått fleire store ras. I mai 2007 opnar ein 2100 meter lang tunnel gjennom Stedjeberget, og hausten 2008 skal ein 2300 meter lang tunnel gjennom Fatlaberget vere ferdig. Rassikringa med tunnelar, bruer og nye vegar kostar til saman vel 330 millionar kroner. Men den rasfarlege vegen under Fatlaberget kosta menneskeliv før den vart lagd i tunnel: I oktober 2007 omkom ei kvinne då ein stein råka bilen hennar.
Veg til Grinde
Den gamle vegen frå Leikanger til Grinde gjekk over Valbrekka. Før nyevegen til Grinde vart ferdig langs strand i 1949, måtte biltrafikken til og frå ferjeleiet på Grinde (sjå:
Ferdsla på fjorden i Leikanger) gå over den smale og bratte vegen.
opna i 1938, og ferjesambandet Grinde-Vetlefjorden gjekk frå 1939 til 1951. Då vart vegen frå Vetlefjorden til Balestrand opna, og ferjestrekninga vart då Grinde-Balestrand.
I 1956 vart vegen frå Leikanger til det nye ferjeleiet på Hella opna, og ferjestrekninga vart korta ned til Hella-Dragsvik. Vegen ut til Hella hadde vore under bygging sidan 1937.
med hovudkontor for Sogn og Fjordane og Region Vest på Hermansverk.