Olsens Hotell

Meir om forhistoria til hotellet:
· Hanehaug

Hotell frå 1902

Jan Gjøvåg Olsen kom til Leikanger som bakar, og antan kjøpte eller leigde han gjestgiveriet frå Brun-familien frå 1883 og fram til han sjølv gjorde det om til hotell i 1902.

Spionar med attentatplanar mot keisaren

Det var på Olsens Hotell at det den 11. august 1911 small tre revolvarskot, og ein fann den mystiske Romania-fødde ingeniøren Louis Assmus, kona hans og hennar 12 år gamle son døde på eit gjesterom.
Ein teori går ut på at dei var dei komne til Sogn for å ta livet av keisar Wilhelm, og hadde mislukkast slik at dei tok sine eigne liv.

Bakar overtek

I 1920 kjøpte bakar Gustav Reinhard Lie frå Haugen i Eid og kona Cecilie hotellet. Det brann ned til grunnen i 1926. Nytt hotell stod ferdig i 1928 med 35 senger, og er den eldste fløyen på noverande hotellanlegg. Bakeriet med utsal fekk no plass på baksida av hotellet. Frå hotellbakeriet vart det i invasjonsdagane i april 1940 sendt brød til dei norske styrkane i Valdres.

Hotellutvidingar

I 1960 vart det bygt ny matsal og i 1962 ei lafta tømmerhytte mot sjøen der det var fem gjesterom. I 1965 overtok sonen Jomar Lie (sjå denne) hotelldrifta og bygde stor gjesteromsfløy med møtesalar i 1973. Etter utvidinga hadde hotellet 50 gjesterom.

Leikanger Fjord Hotell

Frå 1985 har sonen Jan Erik Lie drive hotellet. I 2003 heiter verksemda Leikanger Fjord Hotell.

Slik tek Leikanger Fjord hotell seg ut i 2003. (Foto: Arild Nybø, NRK)