|
|
|
|
Leksikonredaktør:
Nettansvarleg:
Distriktsredaktør:
Copyright:
NRK Sogn og Fjordane
|
|
| |
Industri og næring i Sogndal: Fjærland Preserving L/LDet var Hans R. Mundal som starta hermetikkfabrikken i Fjærland etter at han i fleire år hadde drive tønneproduksjon. Publisert 27.01.2003 11:48. Oppdatert 13.06.2003 16:28.
Det rike brislingfisket i Sognefjorden la tidleg på 1900-talet grunnlaget for i alt fire hermetikkfabrikkar i midtre Sogn: Sognefjord Sardine Co. A/S på Leikanger i 1908, Vik Hermetikkfabrikk (Sardinen) i 1920, H.M. Knutsens Preserving (seinare Hermetikkfabrikken Viking) på Hermansverk i 1922 - og Fjærland Preserving L/L i 1923.
På slutten av 1920-talet vart fabrikken Fjærland Preserving teken over av eit aksjeselskap med Olai Reinen og Knut Distad som drivande krefter. På det meste hadde den 25 personar i arbeid, og fabrikken kunne produsere unna 200 skjepper brisling for dagen. Mykje av råstoffet skaffa notlaga i Fjærland.
Kasser, knott og FjærlandsskoFjærland Preserving L/L vart lagt ned i 1943. Maskinene vart selde ut av bygda og bygningane vart overtekne av Kr. Høisæther som nytta dei til kasse- og knottfabrikk og produksjon av souvenirartiklar. Seinare støypte han isoporprodukt og starta produksjon av Fjærlandsskoen. Etter at Høisæther slutta, har Jostein Teigen drive ein mindre produksjon av Fjærlandsskoen.
SE OGSÅ
|
|
Finn fram i Fylkesleksikonet!
|
|
| |
|
SOGN OG FJORDANE FYLKE, TEMASIDER
|
|
|
Den første kongen i Noreg, Harald Hårfagre, var sogning. Han vaks opp på Husabø på Leikanger, der mora kom frå.
Les meir om kong Harald Hårfagre og landsamlinga og om slekta hans i Sogn.
| |
|
Den 23. juli 1810 gjekk to engelske krigsskip til åtak på ei lita, norsk flåteavdeling ved øya Silda sør for Stad og tok det norske mannskapet til fange. Dagen før hadde engelskmennene herja i Ervik-bygda på Stad. Kvifor gjekk den mektige engelske marinen til åtak på skrøpelege, norske kanonjollar i Ytre Nordfjord?
| |
|
Då den første dampdrivne fiskebåten, ”Activ”, gjekk ut frå Ålesund i 1885, innvarsla det ein ny epoke for norske fiskeri: Havfisket. Dei store skipa gjorde det mogeleg å utnytte fiskeressurane langt til havs. Kring 1910 hadde Sogn og Fjordane 20 slike store fiskedampskip. Fleire av dei vart brukte i aktivt fiske heilt fram på 1960-talet.
| |
|
Frå 1920-talet og fram til like etter krigen fekk Sogn og Fjordane i alt 623 nye gardsbruk. Selskapet Ny Jord spela ein aktiv rolle i nydyrkingsarbeidet i mellomkrigskrigtida, og særleg merka Jølster seg ut som den store nydyrkingskommunen med 57 nye bruk.
| |
|
I mellomalderen låg det ei kyrkje på Utvær. Utvær ligg åtte km vestanfor dei andre øyane i Solund, og er det vestlegaste punktet i Noreg som har vore busett. Kvifor vart det bygd eit gudshus bokstaveleg tala midt ute i havet?
| |
|
Sjalusi er diverre eit klassisk drapsmotiv. Slik var det også for tenestejenta Sigrid i Vetlefjorden ein gong på 1600-talet då ho la sin elsk på husbonden på garden. Men for å kapre han måtte ho få kona av vegen, og til det trengde ho hjelp.
| |
|
Ingen fylke i landet hadde så få medlemmer av Quislings Nasjonal Samling som Sogn og Fjordane. Berre 396 fjordingar og sogningar var medlemmer i NS under 2. verdskrig, og mange av desse var innflyttarar og unge jenter som hadde kontakt med tyskarane. Fleire kystkommunar var så godt som frie for NS-folk.
| |
|
I 1763 vart Joachim de Knagenhjelm utnemnd til den første amtmannen i Sogn og Fjordane. Det første han gjorde, var å flytte heim til mor på Kaupanger hovedgård. Men berre åtte år seinare vart Knagenhjelm nærmast tvangsflytta til Nord-Noreg. Kvifor?
| |
|
|
|
|