Ole Berge tek over konkurrent-hotellet

Hotellatmosfæren på Turtagrø var sterkt prega av at dette var eit senter for tindesport: Taukveilar, isøkser og anna spesialutstyr hang i hallen, og veggane vart prydde med bilete frå djerve klatreturar.

Biblioteket i gamle Turtagrø hotell. (Foto: NRK)

Det hende at Ole Berge måtte ut på trappa og blåse i posthornet og vifte med ei lykt, for å lose folk som hadde mørkna ute trygt ned frå fjellet. Same kva tid på døgnet fjellfolket vende heim til hotellet - om det var dagen eller mørkaste natt - fekk dei servert varm middag av vertskapet!

Då Ola Berge døydde i 1928, overtok dottera Kari Berge (1883-1952) hotellet og dreiv det til ho døydde. Det var då utbygd til eit moderne hotell med 44 rom og 80 senger. I 1952 overtok systersonen Johannes Drægni (1928-2006) frå Fortun som hotelleigar.

Ole Berge Drægni framfor Store Skagastølstind. (Foto: Steinar Lote, NRK)

Omkom i Thailand

Den siste på ættetreet var Ole Berge Drægni (1964–2004), som arbeidde som lektor i Sogndal og Bergen om vinteren og som turistvert på Turtagrø om sommaren. Han omkom i den store flodbylgjekatastrofen (tsunamien) som råka strendene kring Det indiske hav 2. juledag 2004. Han ferierte då i Thailand.

Brakkeleir i nabolaget

Frå 1956 fekk hotellet eit spesielt "naboskap", då det det vart bygt ein brakkeleir for 700 anleggsarbeidarar i Fortun-anlegga. I den lange anleggsperioden var det lite fjellturistar som tok inn på Turtagrø, men dei kom tilbake då kraftutbyggingsperioden var omme.

Førre side:
· To hotell side om side
Neste side:
· Ein tragisk brann
Hovudside:
· Fjellklatrarhotella på Turtagrø