Frå garden Venjum i Hafslo ligg Stridshamaren. Namnet har staden fått etter ei dramatisk segn.
Segna er slik:
Ein gong kom ei fut til garden for å døme i ei sak. Futen var galen etter kvinnfolk, og kviskra til ein av tenarane sine at han om natta kunne tenkje seg å drepe husbonden Ivar Eriksson, og så stele kona hans. Men fute-tenaren fekk åtvara husbonden om planen slik at han tok med seg ein stridshammar då han gjekk til sengs.
 |
| Stridshammar frå 1500-talet, oppbevart på Venjum. |
Då futen rekna med at husbonden var sovna, sto han opp, tok eit sverd og lista seg inn i koven der ekteparet sov. Men før futen fekk brukt sverdet, fauk Ivar opp av senga og slo futen i hel med stridshammaren.
Ivar Eriksson vart dømt til ei bot på 200 riksdalar for fute-drapet. Så mykje pengar hadde han ikkje, men på ei jakt like etter skaut han ei flott gaupe. Denne hadde 200 mørke spettar/flekkar i pelsen. Ivar fekk ein riksdalar for kvar spett då han selde skinnet - dvs. til saman 200 riksdalar, og kunne såleis betale bota.
Seinare gjekk det segner om at stridshammaren frå Venjum hadde lekjande kraft dersom den vart stroken over den sjuke.
På de Heibergske Samlinger - Sogn Folkemuseum finst ein stridshammar frå kring 1600 som etter segna skal vere den hammaren som Ivar brutke då han drap den kåte futen.
Tips andre om denne saken
Utskriftsvennlig versjon
