NRK.no - Fylkesleksikon

Lag og organisasjonar i Hornindal

Skodespelarar i Hornindal i 1923

Omtalane er ordna etter skipingsår:

Publisert 16.12.2003 11:11. Oppdatert 02.02.2007 11:08.

Hornindal almuebibliotek

skipa i 1846.

Landboeforening

(jordbrukslag) vart skipa 1859.

Hornindals Bondevenforening

vart skipa i 1870 og var det første politiske laget i Hornindal.

Hornindals Traverforening

var truleg skipa kring 1880, for i februar 1885 skipa foreninga til travløp på isen ved Grodåssanden. Her deltok 17 hestar. Same året vart det elles halde travløp i Markane med 15 hestar på ei 100 meter lang bane.

”Maalvinarlaget”

i Hornindal, skipa 1881. Nasjonalsinna lag som m.a. arbeidde for skyttarsaka og målsaka. Omlag på same tid vart det i det liberale og frisinna Hornindal skipa Venstre-forening.

Hornindal Ungdomslag

vart skipa i 1885. I 1920 bygde laget det stor ungdomshuset "Dølheim".

Indre Hornindal Ungdomslag

vart skipa i 1910, og bygde eige ungdomshus i 1918.

Indre Hornindal idrettslag

vart skipa i 1910 og gjekk saman med Hornindal idrettslag i 1937.

Hornindal idrettslag

vart skipa i 1921, og gjekk i 1937 saman med Indre Hornindal idrettslag.
Hornindal Idrettspark like ved barne- og ungdomsskulen på Kirkhorn vart opna i 1989.

Hornindal Musikklag

vart skipa i 1927 etter opptak frå Rasmus Vik. 10-12 instrument vart kjøpte m.a. med tilskot frå utvandra honndøler i Amerika. Laget laget vart lagt ned kring 1962.

Ytre Markane Ungdomslag

vart skipa i 1927 etter at dei vestre grendene hadde brote ut av Markane Ungdomslag fordi ein ikkje vart samde om kvar ungdomshuset skulle byggjast. Ytre Markane U.L. bygde eige ungdomshus i 1928, medan "hovudlaget" bygde sitt hus "Skogstjerna" lengre aust same året.

Hornindal Bondekvinnelag

skipa 1947. Starta "bondekvinneferie", leigde ut hjelpemiddel, tilsette husmorvikar og skipa onnebarnehage, og fekk i 1953 laga ”Bryllupsfilmen”.

Hornindal Spelemannslag

vart skipa 1960 etter initiativ frå Rasmus A. Lødemel. Laget har hatt opptil 30 medlemer. Deltok første gong på Landskappleiken i 1966. Både der og seinare har laget vunne mange førsteprisar på Landskappleiken. Ei junior-gruppe kalla ”Småhonndølene” vart skipa 1973. Sjå meir under: Folkemusikarar frå Hornindal.

Hornindal Musikkorps

vart skipa i 1967. I 2002 sette korpset, assistert av andre musikkrefter i bygda, opp musikkspelet "The Commitments". I alt 60 aktørar deltok.

Hornindal trekkspelklubb

vart skipa i 1973.

Honndalstausene

Slåttespel-gruppe samansett berre av jenter, skipa 1983.

Hornindal Bygdekvinnelag

frå 1995. Sjå: Hornindal Bondekvinnelag.

SE OGSÅ

Siste saker:

Slaget i Sildagapet i 1810

Den 23. juli 1810 gjekk to engelske krigsskip til åtak på ei lita, norsk flåteavdeling ved øya Silda sør for Stad og tok det norske mannskapet til fange. Dagen før hadde engelskmennene herja i Ervik-bygda på Stad. Kvifor gjekk den mektige engelske marinen til åtak på skrøpelege, norske kanonjollar i Ytre Nordfjord?

Då fiskedampskipa stakk til havs

Då den første dampdrivne fiskebåten, ”Activ”, gjekk ut frå Ålesund i 1885, innvarsla det ein ny epoke for norske fiskeri: Havfisket. Dei store skipa gjorde det mogeleg å utnytte fiskeressurane langt til havs. Kring 1910 hadde Sogn og Fjordane 20 slike store fiskedampskip. Fleire av dei vart brukte i aktivt fiske heilt fram på 1960-talet.

Få nazistar i Sogn og Fjordane

Ingen fylke i landet hadde så få medlemmer av Quislings Nasjonal Samling som Sogn og Fjordane. Berre 396 fjordingar og sogningar var medlemmer i NS under 2. verdskrig, og mange av desse var innflyttarar og unge jenter som hadde kontakt med tyskarane. Fleire kystkommunar var så godt som frie for NS-folk.