Liv Signe Navarsete f. 1958 i Sogndal, busett i Lærdal. Privat næringsdrivande og Senterparti-politikar.
|
Liv Signe Navarsete på slottsplassen etter ho vart utnemnd som samferdsleminister i Jens Stoltenberg si 2. regjering i oktober 2005. |
Cand. mag. 1998 frå Høgskulen i Sogn og Fjordane med fagkrinsen økonomi og administrasjon. Salskonsulent i Tine 1985–1995. Ho har vore dagleg leiar i IT-forum Sogn og Fjordane, og driv også hytteutleige i Lærdal.
Medlem av Sogndal kommunestyre 1991-1995. Medlem av Lærdal kommunestyre frå 2003. Medlem av fylkestinget frå 1995, gruppeleiar sidan 1999. Politisk rådgjevar i Helse- og sosialdepartementet 2000–2001. Andre nestleiar i Senterpartiet 2001-2008, og leiar frå 2008. Fylkesleiar i Senterpartiet 1998-2004. Vararepresentant til Stortinget 2001–2005 og fast representant frå 2005.
Utnemnd til samferdsleminister i Jens Stoltenberg si andre regjering i oktober 2005, der også Heide Grande Røys (sjå
Kjende personar i Bremanger)(SV) frå Florø vart fornyingsminister.
Navarsete har vore medlem av Vestlandsrådet, styremedlem i Innovasjon Noreg og styreleiar i Vestlandsforsking sidan 1999. Ho var medlem av konsernstyret i Gjensidige Forsikring 1999–2003 og medlem i regionstyret i same selskap sidan 2003.