COOP Sogn og Fjordane BA vart skipa i 2000 og har i dag 42 forretningar over heile fylket og er med sine nærmare 500 tilsette ein av dei største arbeidsgjevarane i Sogn og Fjordane.
I 2006 hadde COOP Sogn og Fjordane ei omsetning på 639 millionar kroner. Konsernet har hovudsete i Førde, og det var med utgangspunkt i Førde Samyrkelag at den store samlingsprosessen starta.
Førde Samyrkelag vart grunnlagt i 1936. I 1960 bygde laget det som no er fasadebygget på laget si forretning i sentrum sør. Dette bygget vart seinare mykje utvida bakover. I 1978 opna varehuset Domus på Skorpa nord for Langebrua. Førde Samyrkelag dreiv frå 1975 til 1996 også ein filial på Sunde. Hausten 2007 opna COOP eit varehus – COOP Extra - på 8200 kvadratmeter på Brulandsvellene i Førde.
Frå lokallag til COOP Sogn og Fjordane
Førde Samvirkelag har sidan slutten av 1970-talet teke over drifta av dei fleste lokale samvirkelaga i Sogn og Fjordane - med unnatak av dei nordre lutane av Nordfjord, der COOP Nordfjord og Sunnmøre med administrasjonsstad i Volda er dominerande.
Samanslåingane skjedde slik:
Vassenden i 1976.
Vadheim i 1977.
Askvoll i 1982.
Domus Sandane i 1989.
Naustdal og Kalland samvirkelag i 1993.
Florø i 1995.
Svelgen i 1996.
Kjøp av Vereide Matsenter på Sandane i 1996, omgjort til Prix-butikk.
Kjøp av varehuset P.A. Sølvberg i Askvoll i 1998.
Breim Samvirkelag i 1999.
Teina Mat på Reed i Breim i 2000.
I 2000 endra samvirkeorganisasjonen namn frå Førde Samyrkelag til COOP Sogn og Fjordane.
I 2000 gjekk Sogn Samvirkelag saman med samvirkelaga i Årdal og Voss inn i
Coop Mega Indre Vestland, men etter store økomomiske problem, vart Coop Mega Indre Vestland i 2004 delt: Forretningane i Sogn og Fjordane, med unnatak av Flåm, vart lagde under Coop Sogn og Fjordane, medan dei øvrige fem gjekk inn i Coop Hordaland.
Coop Brekke i 2006.