|
|
|
|
Leksikonredaktør:
Nettansvarleg:
Distriktsredaktør:
Copyright:
NRK Sogn og Fjordane
|
|
| |
Kristelege lag og org. i Sogn og Fjordane: Smiths VennerSmiths Venner er ei frikyrkjeleg rørsle som vart grunnlagt i 1898 av Johan Oscar Smith (1871–1943) frå Horten. Publisert 24.01.2006 08:16.
Det offisielle namnet er Den Kristelige menighet. I USA og Canada heiter rørsla Brunstad Christian Church fordi rørsla driv eit stort leir- og kongressenter på Brunstad gard i Stokke i Vestfold. Rørsla praktiserer vaksendåp og har ikkje faste prestar eller forstandarar. Smiths Venner er motstandarar av familieplanlegging og er kjenneteikna av særs barnerike familiar. Kvinnene har gjerne langt, fletta hår og nyttar lange skjørt og hovudplagg under gudstenesta.
I Sogn og Fjordane har Smiths Venner hatt eiga menighet i Måløy heilt sidan 1914, då den vart skipa av Johan Oscar Smith sjølv. Han var marineoffiser av yrke, og under hamneopphald langs norskekysten nytta han høvet til forkynning og grunnleggjing av nye menigheter.
Menigheta i Måløy tel kring 100 medlemmer og er den einaste i Sogn og Fjordane, men har medlemmer frå andre bygder i fylket heilt frå Askvoll og Holmedal.
Smiths Venner har eigne møtelokale i Måløy. I 1988 kjøpte rørsla ein gard i Rimstaddalen i Vågsøy, der det vart bygd møtelokale og leirstad.
|
|
Finn fram i Fylkesleksikonet!
|
|
| |
|
SOGN OG FJORDANE FYLKE, TEMASIDER
|
|
|
Den første kongen i Noreg, Harald Hårfagre, var sogning. Han vaks opp på Husabø på Leikanger, der mora kom frå.
Les meir om kong Harald Hårfagre og landsamlinga og om slekta hans i Sogn.
| |
|
Den 23. juli 1810 gjekk to engelske krigsskip til åtak på ei lita, norsk flåteavdeling ved øya Silda sør for Stad og tok det norske mannskapet til fange. Dagen før hadde engelskmennene herja i Ervik-bygda på Stad. Kvifor gjekk den mektige engelske marinen til åtak på skrøpelege, norske kanonjollar i Ytre Nordfjord?
| |
|
Då den første dampdrivne fiskebåten, ”Activ”, gjekk ut frå Ålesund i 1885, innvarsla det ein ny epoke for norske fiskeri: Havfisket. Dei store skipa gjorde det mogeleg å utnytte fiskeressurane langt til havs. Kring 1910 hadde Sogn og Fjordane 20 slike store fiskedampskip. Fleire av dei vart brukte i aktivt fiske heilt fram på 1960-talet.
| |
|
Frå 1920-talet og fram til like etter krigen fekk Sogn og Fjordane i alt 623 nye gardsbruk. Selskapet Ny Jord spela ein aktiv rolle i nydyrkingsarbeidet i mellomkrigskrigtida, og særleg merka Jølster seg ut som den store nydyrkingskommunen med 57 nye bruk.
| |
|
I mellomalderen låg det ei kyrkje på Utvær. Utvær ligg åtte km vestanfor dei andre øyane i Solund, og er det vestlegaste punktet i Noreg som har vore busett. Kvifor vart det bygd eit gudshus bokstaveleg tala midt ute i havet?
| |
|
Sjalusi er diverre eit klassisk drapsmotiv. Slik var det også for tenestejenta Sigrid i Vetlefjorden ein gong på 1600-talet då ho la sin elsk på husbonden på garden. Men for å kapre han måtte ho få kona av vegen, og til det trengde ho hjelp.
| |
|
Ingen fylke i landet hadde så få medlemmer av Quislings Nasjonal Samling som Sogn og Fjordane. Berre 396 fjordingar og sogningar var medlemmer i NS under 2. verdskrig, og mange av desse var innflyttarar og unge jenter som hadde kontakt med tyskarane. Fleire kystkommunar var så godt som frie for NS-folk.
| |
|
I 1763 vart Joachim de Knagenhjelm utnemnd til den første amtmannen i Sogn og Fjordane. Det første han gjorde, var å flytte heim til mor på Kaupanger hovedgård. Men berre åtte år seinare vart Knagenhjelm nærmast tvangsflytta til Nord-Noreg. Kvifor?
| |
|
|
|
|