vart skipa 1836 etter opptak frå sorenskrivar
Nils L. Landmark.
Holmedals Sogns Bondevenforening
vart skipa i 1871. – Les meir om denne under Askvoll kommune.
Norskelaget i Holmedal
vart skipa i 1874. - Les meir om dette under Askvoll kommune.
Indremisjonen
Då Søndfjord Fællesforening vart skipa i 1886, var det alt skipa misjonsforeningar i Dale og Guddal.
Vestlandske Indremisjonsforbund i Dalsfjorden
Medan dei andre misjonslaga i Fjordane kring 1900 vart medlemmer av Det norsk lutherske Indremisjonsselskap, melde misjonslaga i Bremanger og kring Dalsfjorden seg inn i Det Vestlandske Indremisjonsforbund, etter at dette i 1898 braut ut av den meir kyrkjetilknytte misjonsrørsla.
- Les meir om dette under Sogn og Fjordane fylke:
Kristelege lag og kristelege rørsler.
Flekke ungdomslag
vart skipa i 1896. Laget bygde ungdomshus i 1926.
Dale ungdomslag
vart skipa i 1898. Ungdomshuset Trudvang vart bygd i 1932. I 1981 og 1985 sette Dale ungdomslag opp revyar baserte på Jakob Sande si dikting. Laget hadde stor suksess med desse revyane som vart viste fram fleire stader i landet og vart sett av kring 8.000 menneske.
Dale og Guddals hesteavlsforening
vart skipa i 1904 eller noko tidlegare. I 1904 kjøpte nemleg laget inn den første avlshingsten.
Framhug ungdomslag
på Grytøyra vart skipa i 1907.
I.O.G.T.-losje Dalebuen
vart skipa i 1908.
Guddal ungdomslag
vart skipa i 1908.
Fjaler helselag
vart skipa i 1915. Dei første åra engasjerte laget eiga helsesøster som hadde som særskild oppgåve å sjå til tuberkulosesjuke. Laget finansierte også opplæringa av sjukesyster i 1922. Den viktigaste oppgåva for laget har vore å få reist Fjaler Helsetun i Dale i 1972.
Straumsnes ungdomslag
vart skipa i 1918. Straumsnes fekk nytt grendahus og skule i 1986, men skulen var lagt ned i 2000. Det tidlegare skulehuset var frå 1934.
Dale Musikkorps
vart skipa i 1934.
Flekke Arbeidar- og Småbrukarlag
vart skipa i 1920.
Dale Idrettslag
vart skipa i 1926. Fjalerhallen vart bygd i 1989.
Dale Hestealslag
vart skipa i 1929 – sjå Dale og Guddals hesteavlsforening 1904.
Dale Sko og Kloggarbeiderforening
vart skipa i 1930. Foreninga kjøpte i 1950 hytta ”Fjellheim” i Vassdalen som feriehytte for medlemmene.
Dale Arbeidar og Småbrukarlag
vart skipa i 1933.
Fjaler Arbeidarparti
vart skipa i 1934.
I.O.G.T.-losje Traust
vart skipa i på Leitet i 1935.
Våge Bonde og Småbrukarlag
vart skipa i 1936.
Flekke og Espedal Bonde og Småbrukarlag
vart skipa i 1954 og endra namn til Flekke og Bjordal Bonde og Småbrukarlag i 1960.
Svint Idrettslag
vart skipa i 1950. Laget organiserer idretten i bygdene Flekke og Guddal i Fjaler og i nokre grender i Hyllestad kommune.
Flekke og Straumsnes skulekorps
På slutten av 1960 vart det starta eit skulekorps i Flekke, men det la ned etter kort tid. Det vart starta oppatt i 1973 og tok seinare med seg elevar frå Straumsnes skule, slik at det no heiter Flekke og Straumsnes skulekorps.
Fjaler pensjonistlag
vart skipa i 1973.
Fjaler Bonde og Småbrukarlag
vart skipa i 1975 og lagt ned i 1980. Det vart teke opp att i 1984, men lagt ned på nytt i 1992 og medlemmene førde over til småbrukarlaget i Hyllestad.
Visegruppa ”Jubelhornet”
har eksistert sidan 1970-talet – sjå biografien om
Jakob Sande.
Fure og Våge Songlag
vart skipa i 1979.
Nesalendingen songlag
på Straumsnes vart skipa i 1980.
Guddal Bonde og Småbrukarlag
vart skipa i 1985 og lagt ned i 1990.