|
|
|
|
Leksikonredaktør:
Nettansvarleg:
Distriktsredaktør:
Copyright:
NRK Sogn og Fjordane
|
|
| |
Kjende personar i Bremanger: Rasmus Anderson Vetvik(1875-1936) frå Vetvik, busett i Måløy. Fiskeeksportør og fiskebåtreiar. Publisert 03.02.2006 11:33.
Saman med broren Johan Vetvik tente han på slutten av 1800-talet gode pengar på hummarfiske og kjøpte i 1899 ein gard med tilhøyrande sjøhus på Midtgård i Måløy. Her bygde han og broren i 1905 ei stor sjøbu og slo seg stort opp som fiskeeksportørar og fiskebåtreiarar kring 1. verdskrig. På det meste Vetvik-brørne sju fiskebåtar.
Rasmus vart pionér på snurrevadfiske etter flyndre då han starta dette fisket langs Vestlands-kysten i Nord-Noreg i 1907. Levande flyndre vart send med brønnbåtar til Bergen og Oslo.
Brørne mista det meste av fiskeflåten og sjøbuda i Måløy ved ein konkurs tidleg på 1920-talet. Kring 1930 var Rasmus ein av dei første som starta fiske etter pigghå med fiskebåten ”Fossan”. Han gjorde forsøk på å låssetje levande pigghå i mærdar i Skavøypollen, slik at han kunne tilby fersk fisk når marknaden betalte den beste prisen, men forsøket fall ikkje heldig ut.
”Vetvik-buda” i Måløy vart i 1925 kjøpt av Rasmus Domstein frå Dombestein ved Davik, og her vart grunnlaget for det kjende Domstein-konsernet lagt.
|
|
Finn fram i Fylkesleksikonet!
|
|
| |
|
SOGN OG FJORDANE FYLKE, TEMASIDER
|
|
|
Den første kongen i Noreg, Harald Hårfagre, var sogning. Han vaks opp på Husabø på Leikanger, der mora kom frå.
Les meir om kong Harald Hårfagre og landsamlinga og om slekta hans i Sogn.
| |
|
Den 23. juli 1810 gjekk to engelske krigsskip til åtak på ei lita, norsk flåteavdeling ved øya Silda sør for Stad og tok det norske mannskapet til fange. Dagen før hadde engelskmennene herja i Ervik-bygda på Stad. Kvifor gjekk den mektige engelske marinen til åtak på skrøpelege, norske kanonjollar i Ytre Nordfjord?
| |
|
Då den første dampdrivne fiskebåten, ”Activ”, gjekk ut frå Ålesund i 1885, innvarsla det ein ny epoke for norske fiskeri: Havfisket. Dei store skipa gjorde det mogeleg å utnytte fiskeressurane langt til havs. Kring 1910 hadde Sogn og Fjordane 20 slike store fiskedampskip. Fleire av dei vart brukte i aktivt fiske heilt fram på 1960-talet.
| |
|
Frå 1920-talet og fram til like etter krigen fekk Sogn og Fjordane i alt 623 nye gardsbruk. Selskapet Ny Jord spela ein aktiv rolle i nydyrkingsarbeidet i mellomkrigskrigtida, og særleg merka Jølster seg ut som den store nydyrkingskommunen med 57 nye bruk.
| |
|
I mellomalderen låg det ei kyrkje på Utvær. Utvær ligg åtte km vestanfor dei andre øyane i Solund, og er det vestlegaste punktet i Noreg som har vore busett. Kvifor vart det bygd eit gudshus bokstaveleg tala midt ute i havet?
| |
|
Sjalusi er diverre eit klassisk drapsmotiv. Slik var det også for tenestejenta Sigrid i Vetlefjorden ein gong på 1600-talet då ho la sin elsk på husbonden på garden. Men for å kapre han måtte ho få kona av vegen, og til det trengde ho hjelp.
| |
|
Ingen fylke i landet hadde så få medlemmer av Quislings Nasjonal Samling som Sogn og Fjordane. Berre 396 fjordingar og sogningar var medlemmer i NS under 2. verdskrig, og mange av desse var innflyttarar og unge jenter som hadde kontakt med tyskarane. Fleire kystkommunar var så godt som frie for NS-folk.
| |
|
I 1763 vart Joachim de Knagenhjelm utnemnd til den første amtmannen i Sogn og Fjordane. Det første han gjorde, var å flytte heim til mor på Kaupanger hovedgård. Men berre åtte år seinare vart Knagenhjelm nærmast tvangsflytta til Nord-Noreg. Kvifor?
| |
|
|
|
|