|
|
|
|
Leksikonredaktør:
Nettansvarleg:
Distriktsredaktør:
Copyright:
NRK Sogn og Fjordane
|
|
| |
Kommunehistoria i Selje: Kommunal erstatning for salssviktI 1837 skulle det haldast sommarting på handelsstaden Osmundsvåg. Publisert 01.09.2006 11:28.
Den rike kremmaren der, Dankert Wiese, hadde kjøpt inn rundeleg av mat og andre varer som han rekna med skulle få omsetnad under tinget. Men storm og tung nedbør gjorde at tinget måtte avlysast. Kjøpmann Wiese, som også var medlem i det nye Selje kommunestyre, sende då rekninga for ”tort og svie” og tapt omsetning til kommunen. Kjøpmannen i Selje, Nils Rønneberg, var varaordførar og hadde tidlegare vore handelsmann i Osmundsvåg. Han meinte at det var rimeleg at kollegaen hans i Osmundsvåg fekk ei godtgjerdsle på 100 ort (ort = mark = 1/6 specidalar) for tapt sal, og slik vart det.
Men Dankert Wiese hadde også ei anna ”personleg” sak på hjartet på det same kommunestyremøtet: Han ville gjere Osmundsvåg til såkalla tiendestad for vårsildfisket. Men då fekk han motbør frå ein K. Flister, som i tilfelle Wiese fekk viljen sin, ville søkje om pengestøtte frå kommunen slik at han kunne gå til sak mot Wiese for urettmessig inntekt frå vårsildtiend! Kommunestyret torde ikkje anna enn å avslå søknaden frå Wiese.
|
|
Finn fram i Fylkesleksikonet!
|
|
| |
|
SOGN OG FJORDANE FYLKE, TEMASIDER
|
|
|
Den første kongen i Noreg, Harald Hårfagre, var sogning. Han vaks opp på Husabø på Leikanger, der mora kom frå.
Les meir om kong Harald Hårfagre og landsamlinga og om slekta hans i Sogn.
| |
|
Den 23. juli 1810 gjekk to engelske krigsskip til åtak på ei lita, norsk flåteavdeling ved øya Silda sør for Stad og tok det norske mannskapet til fange. Dagen før hadde engelskmennene herja i Ervik-bygda på Stad. Kvifor gjekk den mektige engelske marinen til åtak på skrøpelege, norske kanonjollar i Ytre Nordfjord?
| |
|
Då den første dampdrivne fiskebåten, ”Activ”, gjekk ut frå Ålesund i 1885, innvarsla det ein ny epoke for norske fiskeri: Havfisket. Dei store skipa gjorde det mogeleg å utnytte fiskeressurane langt til havs. Kring 1910 hadde Sogn og Fjordane 20 slike store fiskedampskip. Fleire av dei vart brukte i aktivt fiske heilt fram på 1960-talet.
| |
|
Frå 1920-talet og fram til like etter krigen fekk Sogn og Fjordane i alt 623 nye gardsbruk. Selskapet Ny Jord spela ein aktiv rolle i nydyrkingsarbeidet i mellomkrigskrigtida, og særleg merka Jølster seg ut som den store nydyrkingskommunen med 57 nye bruk.
| |
|
I mellomalderen låg det ei kyrkje på Utvær. Utvær ligg åtte km vestanfor dei andre øyane i Solund, og er det vestlegaste punktet i Noreg som har vore busett. Kvifor vart det bygd eit gudshus bokstaveleg tala midt ute i havet?
| |
|
Sjalusi er diverre eit klassisk drapsmotiv. Slik var det også for tenestejenta Sigrid i Vetlefjorden ein gong på 1600-talet då ho la sin elsk på husbonden på garden. Men for å kapre han måtte ho få kona av vegen, og til det trengde ho hjelp.
| |
|
Ingen fylke i landet hadde så få medlemmer av Quislings Nasjonal Samling som Sogn og Fjordane. Berre 396 fjordingar og sogningar var medlemmer i NS under 2. verdskrig, og mange av desse var innflyttarar og unge jenter som hadde kontakt med tyskarane. Fleire kystkommunar var så godt som frie for NS-folk.
| |
|
I 1763 vart Joachim de Knagenhjelm utnemnd til den første amtmannen i Sogn og Fjordane. Det første han gjorde, var å flytte heim til mor på Kaupanger hovedgård. Men berre åtte år seinare vart Knagenhjelm nærmast tvangsflytta til Nord-Noreg. Kvifor?
| |
|
|
|
|