Industrigründeren Johan Jensen

Han kjøpte Holmedal gard, der Ellend Eide m.a. hadde drive fylkets første husmorskule.

Hovudhuset på Holmedal gard. (Foto: A. Nybø, NRK)

Jenssen dyrka Holmedalsgarden opp til 300 dekar og dreiv den fram til eit mønsterbruk. Han fekk bygd veg frå Eikenes til Helle, og frå Holmedal til Helleset.

Skapte eit industrisamfunn

I løpet av ein 20-årsperiode skapte Johan Jensen Holmedal-bygda om frå ei vanleg jordbruksbygd til eit allsidig industrisamfunn:

Johan Jenssen starta mellom anna Helle Teglverk. Her ser vi innstuing av tørka murstein som skal brennast. (Foto: © Fylkesarkivet)

I 1895 tok gjorde han opptaket til å starte teglverk på Helle (sjå Teglverk i Askvoll). Han starta Trollefos Ullvarefabrikk(sjå Fabrikkar og verkstader i Askvoll) i 1895, starta Firda Brusfabrikk (sjå Fabrikkar og verkstader i Askvoll) i Holmedal i 1899 og var medskipar i Dale Kloggfabrikk (sjå Fabrikkar og verkstader i Fjaler) same året. I Holmedal starta han også smørfabrikken "Flora" (sjå Fabrikkar og verkstader i Askvoll) i 1901.

Ved Trollefos bygde han også eige elektrisitetsverk.

Smørfabrikken "Flora" gjekk inn etter få år, og eigedomen vart overteken av Troldefos Ullvarefabrik i 1909. Ullvarefabrikken vart lagd ned i 1925.

Jensen braut tvert med verksemda i Holmedal kring 1918, og enda sine dagar som arbeidar på sukkerplantasjar på Cuba! Etter segna fann Jensen det rettast å flytte frå Holmedal etter nokre kvinnehistorier, og det var ein kamerat som budde på Cuba som fekk han på trua om å reise dit.

I 2002 er det Helle Fabrikker som held til i lokala etter smørfabrikken "Flora". (Foto: Arild Nybø, NRK)

Den tidlegare smørfabrikkbygningen ved kaia i Holmedal vart i 1943 overteken av brørne Steinar og Sigmund Helle, som starta S. & S. Helle Knivfabrikk (sjå Helle Fabrikker).