Fiskeoppdrett i Bremanger

Kristen Strømmen og Peder Bakke var pionérane som starta dei første lakseoppdretta tidleg på 1970-talet; Strømmen i Rugsund og Bakke ved Smørhamn. Bakke prøvde seinare på oppdrett av piggvar og kveite i temperert spillvatn frå Bremanger Smelteverk i Svelgen. I 1979 bygde Strømmen eige lakseslakteri i Rugsund, og frå Måløy kom Myrvang-brørne med Håkon Myrvang i spissen og bygde opp Davik Fiskefarm (sjå Davik Fiskeindustri ).

K. Strømmen Lakseoppdrett AS

i Rugsund vart grunnlagt av oppdrettspionéren Kristen Strømmen i 1972 og er største oppdrettsverksemda i Bremanger kommune.

Peder Bakke

(1934-2000), Svelgen, var fiskeoppdrettspionér. Han starta lakseoppdrett i Smørhamn på 1970-talet, og oppdrett av kveite og piggvar i Svelgen, der ein gjorde seg nytte av oppvarma spillvatn frå Bremanger Smelteverk i Svelgen.

Myrvang-brørne

kom frå Måløy med Håkon i spissen og bygde opp Davik Fiskefarm (sjå Davik Fiskeindustri ).

Ålfoten fiskefarm AS

Starta i 1984. Verksemda dreiv produksjon av settefisk og smolt. Konkurs i 2003.

Norulv Øvrebotten

starta i 1985 setjefiskanlegg i Botnane. Vart seinare overteke av Firda Settefisk.

Davik Fiskeindustri

på Davik vart i 2000 ein del av Pan Fish-gruppa, men vart grunnlagt sist på 1970-talet av brørne Håkon og Asbjørn Myrvang frå Måløy under namnet Davik Fiskefarm.

Norsk Marin Fisk AS

vart skipa på Davik i 1995 av Stig Bakke m.fl. og har spesialisert seg på oppdrett av torsk.

Norsk Marin Yngel

- sjå Norsk Marin Fisk AS.

Grotle Havbeite AS

vart starta i 2006 av Harald Grotle m. fl. Det skal avle opp hummar som vert sett ut som yngel i eit 11 kvadratkilometer stort havområde kring Bremanger. Der skal skaldyret etter planen leve så stasjonært at det let seg hauste etter nokre år i sjøen. Yngelen til havbeiteprosjektet vert klekt i det nedlagde anlegget til Bremanger Fryseri i Iglandsvik.

Hovedside:
· Fiskeindustri i Bremanger