| | Regnet innhenta Sonja Publisert 10.06.2002 17:17 - Oppdatert 11.06.2002 16:48 Då Sonja kom til Futegarden i Balestrand måndag ettermiddag fekk ho for første gong møte regnveret i Sogn. Ho vart teken i mot av ein godt budd Frode Høyvik.
Frode Høyvik og kona Anita Nyland Høyvik tok over Futegarden for få år sidan, og har pussa opp den staselege trebygningen. I dag kunne dei altså motta kongelege gjester der.
Frode Høyvik tok i mot Dronning Sonja med ein paraply og losa henne inn i huset. Der skulle ho og kongen få ein velfortent kvil mellom slaga. Dronninga hadde fått eit rom med bad i dei øverste etasjane, medan Kongen hadde fått tildelt eit røykerom lenger nede i Futegarden.
Anita Nyland Høyvik skulle vise dei rundt litt i bygningen, og hadde også kunst Sonja skulle få sjå på.
Bygningane er eit futesete frå 1790. Ein av dei som har vore på besøk der før kongeparet er Gjest Baardsen. Han vart plassert i kjellaren, men rømde også derfrå.
| |
|