Helgesen har vore ordførar i Selje dei siste fire åra, og fekk 469 av røystene. Det var ein knusande siger i konkurransen om å bli den første direktevalde ordføraren i fylket. Nummer to på lista vart Ottar Nygård frå Arbeidarpartiet med 347 røyster.
Veldig skuffa
Leiaren for FrP i Sogn og Fjordane, Åge Starheim, fekk 245 røyster. Starheim, som tidlegare har vore ordførar for Høgre i Selje, vedgår at han er veldig skuffa over resultatet.
Dei tre andre utfordrarane var Liv Stave frå Høgre med 163 røyster, Richard Eide frå Folkeleg Fellesliste med 90 røyster og Dag Austring frå Senterpartiet med 44 røyster.
|
Ingen ordførarstol for Åge Starheim (Frp) i Selje. (Foto: Arild Nybø, NRK) |