Tenk deg at du står og ventar i eit lyskryss eller berre er ute og spaserer. Plutseleg byrjar folk rundt deg å dansa, og det viser seg at fleire og fleire av dei vanlege folka rundt deg også er med på denne nøye planlagde dansen.
Det er dette som blir kalla «Flash-mob-dance» og i går gjennomførde ungdommar dette stuntet i Stavanger med håp om at det ville bringa inn pengar til Kirkens Nødhjelp sin fasteaksjon.
- Les òg:
– Folk blei glade
Det var ungdommar frå KFUM, KFUK og Solborg Folkehøgskule som stod for dansinga som skulle skapa blest rundt fasteaksjonen til Kirkens Nødhjelp.
I tillegg filma studentane det heile og klippa det saman til ei sak der Kirkens Naudhjelp får fortelja om arbeidet deira.
– Tilfeldig forbipasserande blei glade og overraska når folk plutseleg byrja å dansa rundt dei, seier Endre Kvia som er lærar på film og media-linja linja på Solborg, som meiner at stuntet var vellukka.
Sjå innslaget laga av elevar ved Solborg Folkehøgskule:
Youtube-fenomen
På Youtube har fleire «Flash-mob-dance»-videoar fått mange hundre tusen klikk.
– Fleire som var i Stavanger sentrum hadde ikkje opplevd dette før, men dei hadde sett det på internett, seier Kvia.
Nedanfor kan du sjå kjende «Flash-mobdance»-videoar frå Youtube.