Den døde var ein svensk fiskar

I byrjinga av august i år blei det funne ein død mann i sjøen like ved Feistein fyr i Klepp på Jæren.

• Les òg: Politiet veit framleis ikkje kven den døde personen er
• Les òg: Død person er truleg svenske

Sidan har Kripos i samarbeid med Interpol jobba med å identifisera den døde. Og nå er det klart at det er ein svensk fiskar frå Strømstad i Sverige som blei funnen.

– Han blei meld sakna for ein månad sidan, etter han skulle ut på fiske med ein trålar i Skagerrak, seier lensmann i Klepp, Hans Kyllingstad.

Det var tannjournalen frå fiskaren sin tannlækjar som gjorde Kripos heilt sikre på at det var den svenske fiskaren som var funnen.