Ein mann i byrjinga av 20- åra mista kontrollen over bilen og køyrde over i motsett køyreretning rett i ei steinrøys ved Gamleveien ved Lura bistro i Sandnes i sju tida i dag tidleg. Mannen forlot den kvinnelege medpassasjeren.
Kvinna på 17 år som sat på i bilen vart hardt skadd, og vart sendt til universitetssjukehuset i Stavanger.
Mistenkt for promillekøyring
Bilen kom frå nordgåande køyreretning då mannen kræsja bilen. Det fortel operasjonsleiar ved Rogaland politidistrikt Tormod Rostøl.
Mannen som er frå Sandnes er mistenkt for å ha forlatt kvinna hardt skadd, og for promillekøyring.
Tilstanden til kvinna er stabil, og kvinna er våken.
Erkjent forholdet
Politiet som fekk meldinga om ulykka i sju tida i dag tidleg, pågreip mannen nokre timar seinare i eit bolighus på Lura.
- Det var etterforskninga som førte politiet fram til pågripinga, og mannen har erkjent forholdet, seier Rostøl.