Etter søk med politihundar og helikopter i heile føremiddag, fann politiet den sakna mannen frå Rogaland i dag ved tolv tida.
– Han blei funnen i ei grøft utanfor Hirtshals, det var vatn i grøfta og han har sannsynlegvis drukna her, seier Nils Kronborg som er visepolitiinspektør i Hjørring, Danmark.
Grøfta ligg like ved vegen og politiet trur at mannen kan ha falle i ho ved eit uhell. løpet av få dagar vil liket bli obdusert opplyser han.
Ifølgje dansk presse skulle mannen ta ei ferje frå Hirtshals til Norge for ei veke sidan. På grunn av mykje sjø blei ferja avlyst på tysdag.
61-åringen skal då ha teke seg inn på eit hotell. Der blei han sist blei sett natt til onsdag.
Familien til mannen frå Sandnes som blei funnen død i tolv tida tysdag har blitt varsla i ettermiddag.
