– Interessa er enorm. Ikkje berre frå grunneigarar og husdyrhaldarar, men generelt, seier leiar av jeger- og fiskeforeininga i Froland, Øyvin Froland til NRK.no.
Det vert leita kontinuerleg over store område frå Åmli, gjennom Froland og til Herefoss.
Sporsnø
Til no er det ikkje så mykje som eit poteavtrykk å finne.
– Ulven kan ha teke seg ei lengre runde. No er det rett før paringstid, seier han.
Sidan i fjor sommar og utover hausten er langt over 70 sau og lam drepne eller skada av ulv på Sørlandet.
Sidan 1. oktober har jegerane forsøkt å ta dei to ulvane som skal befinne seg på Agder. 31. mars er lisensjakta over, og Øyvin Froland føler det byrjar å haste.
– Det er klart at vi er avhengig av gode sporingsforhold. Vi må nytte den tida vi har no når det er sporingsforhold til å ringe han inne, seier han.
Lenge sidan observasjon
Det har heller ikkje komme inn meldingar om skada dyr sidan jul. Samstundes er det lenge sidan nokon har sett spor etter ulven.
Jaktleiaren seier det kan tyde på at ulvane ikkje er i Agder lenger.
– Eller det kan hende vi leitar i feil område. Dette er ei ordinær jakt på linje med anna jakt. Vi er like ihuga om vi jaktar på noko anna. Denne jakta er ikkje noko spesiell, seier han.